Кэлэн иһэр сыл бэлиэтэ - Баабыр сыла.
Бу үтүө, мааны кыылы Саха сирин араас муннугар үөрэ-көтө, ис дууһаларын ууран туран хаартан, сороҕор, бэл, балбаахтан оҥорон, кырааскалаан, киэргэтэн оҥорбуттар. Дьэ, ханнык улууска хайдах баабыр баар эбитий?
Томпо Кириэс Халдьаайытыгар Аграфена Акимова ийэ баабыры уонна оҕотун оҥорбут.
Ыраах хоту улууска, Абыйга маннык ураты баабыр оҕотун оҥорбуттар эбит. Ааптара биллибэт.
Уус Алдан Сыырдааҕар бааһынай хаһаайыстыбалаах Василий Копырин балбаахтан эриэккэс баабыры оҥорбут. Ураты дии!
Амма улууһун биллиилээх маастара Аполлон Захаров быйыл биир дойдулаахтарын маннык улахан, модун баабыры оҥорон үөрдүбүт.
Ыраах Үөһээ Дьааҥы улууһуттан Василий Рожин тымныыны тымныы диэбэккэ, эмиэ сүүнэ, көстүүлээх Шерханы дьэндэппит.
Үөһээ Бүлүү улууһуттан Дьулусхан Баппаҕай биир дойдулаахтарын тыыннаах курдук көрбүт-истибит баабыры оҥорон үөрдүбүт.
Нам улууһун Хамаҕаттатын олохтооҕо Христофор Аммосов киһи эрэ астына көрөр ийэ баабыры оҕотун кытта оҥорбут.
Сунтаар улууһун Сиэйэ нэһилиэгин биир ыала маннык кыраһыабай, талба баабыр кыыһын айбыттар.
Хаҥаласка, Покровскай куоракка чаҕылхай баабырдар бааллар. Ааптар - Иван Уйгуров.
Оттон Чурапчы Мугудайын олохтооҕо Виталий Пермяков, олох даҕаны баабыр улахан дьиэ кэргэнин оҥорон, олохтоохтору үөрдүбүт.
Уус Алдан Сыырдаах нэһилиэгэр өссө биир, тыыннаах курдук баабыр хаартан скульптурата баар эбит. Ааптар - Алексей Слепов.
Горнайтан элбэх оҕолоох эдэр ийэ Августа Карбаканова сылын аайы дьиэтин таһыгар хаар оҥоһуктары оҥорор.
Маннык ураты, эриэккэс баабырдары оҥорбут маастардарбытыгар өссө даҕаны инникитин ситиһиилэри, саҥа оҥоһуктары сыл ахсын оҥорон, дьону-сэргэни үөрдэ-көтүтэ туралларыгар баҕарыаҕыҥ!
Сэҥээриилэр