Киир

Киир

Бүгүн ураты чыыһыла – 22.02.2022. Ол эбэтэр, утары да, таҥнары да биир тэҥник ааҕыллар, үйэбитигэр сэдэхтик көстөр сыыппаралардаах күн.

Маннык чыыһыла кэмбинээссийэтин «дата-палиндрома» диэн ааттыыллар. Биир тыһыынча сыл иһигэр субу курдук сиэркилэ дааталара 60-на буолан ааһаллар эбит. Олортон биирдэстэрэ бүгүн үүннэ.

Нумерологтар этэллэринэн, бу күн аптааҕынан, дьоҥҥо үтүө дьайыылааҕынан биллэр. Бүгүн, ол курдук, соҕотох киһи эрэ буолбакка, киһи-аймах уопсай олоҕор улахан уларыйыылар тахсыахтарын сөп. Этэллэринэн, 22.02.2022 чыыһылаҕа дьон бэйэтэ баҕа санаатын этиэн, ол туоларын туһугар туох эмит сиэри-туому ыыттаҕына, туолар чинчитэ улаатар эбит, тоҕо диэтэр, бүгүҥҥү күн ураты күүстээх энэргиэтикэлээх.

22.02.2022 сиэркилэ даатата нумерологияҕа тугу этэрий?

Нумерологтар этэллэринэн, бу даата ураты мистикалаах эбит. 6 икки сыыппыраны таһынан, бүгүҥҥү күн маннык уратылардаах:

  • бастакытынан, 22.02.2022 — ый 22-с хонуга (лунные сутки).
  • иккиһинэн, олунньу 22 күнэ — оптуорунньук. Нэдиэлэ иккис күнэ.

Икки сыыппара, дьиҥинэн, гармонияны, тапталы, доҕордуу сыһыаны, эйэлээх буолууну түстүүр. Бу күн дьону кытта сыһыаны тупсарыы, этиспит киһигин кытта иллэһии, сибээскин быспыт дьоҥҥун кытта хаттаан ситими олохтооһун уонна чугас дьоҥҥун кытта бириэмэни атаарыы туһаалаах.

Сороҕор «икки» сыыппара – «кыһыл көмүс ортото» (золотая середина). Онон, сөптөөх, чопчу сыалы-соругу туруорунарга табыгастаах күн эбит. Аан дойду сүдү күүһэ киһи былаанын уонна толкуйдаабыт соругун олоххо киллэрэригэр сүүнэ дьайыылаах буолар эбит. Ол эрээри, бу сорунууларбыт үтүө быһыыны-майгыны кытта сибээстээх буолуохтаахтар.

22.02.2022 күн тугу гыныахпытын сөбүй?

Бу күн, нумерологтар этэллэринэн, “бары сулустар мустуохтара”: элбэх саҥа саҕалаабыт дьыалаларбытын ситиһии күүтэр.

  • Биир ыйдааҕы, эбэтэр биир сыллааҕы торумҥун, тугу оҥоруохтааҕын былаанын оҥоһун. Сыалгын-соруккун чопчу туруорун.
  • Бэйэҕэр улахан болҕомтото уур. Бэйэҕэр туһалааҕы оҥор – успуорт саалатыгар сырыт, киинэҕэ эбэтэр спа-процедураларга сырыт.
  • Чугас дьоҥҥун кытта эйэлээхтик уонна бэйэ-бэйэҕитин өйөнсөн, бу күнү үчүгэйдик атаарыҥ.
  • Урут кыыһырсыбыт дьоҥҥутун кытта эйэлэһиҥ уонна хаһан эрэ сибээскитин быспыт киһигитин кытта билсиҥ.
  • Бэйэҕит духуобунай сайдыыгыт – бэйэҕит илиигитигэр. Аан Дойду эһиэхэ бүгүн таайтарар этиитин ылыныҥ.
  • Бүгүн, 22.02.22 баҕа санааҕытын сурунуҥ, онтукайгыт хайаан даҕаны туолуоҕа.

22.02.2022 тугу гыныа суохтаахпытый?

Бу күн этиһиэ, аахсыа, айдаан таһаарыа суохтаахпыт. Бу сиэркилэ чыыһылатыгар дьон тыла-өһө, иэнийиитэ (эмоцията) уонна оҥорбут быһыыта-майгыта бэйэлэригэр төттөрү төннөн кэлэр адьынаттаах эбит. Онон, санаарҕаабыккытын, ымсыы санааҕытын, кыыһырбыккытын уонна ол-бу араас соччото суох дьайыыларгытын киэр гыныҥ!

 Этэҥҥэ буолуҥ!

joy-pup.com саайт матырыйаала туһанылынна

Тарҕат:

Санааҕын суруй

Бүтэһик сонуннар