«Кыым.ру» аан ситим Саха сиригэр Ийэ дойдуну көмүскээччи сылынан уонна Төрөөбүт тыл, сурук-бичик күнүн көрсө, нэһилиэктэр олохторун сэргэхситэр, нэһилиэк туһунан ырыалары киэҥ эйгэҕэ таһаарар, ийэ дойдуга тапталы үөскэтэр, дьону сомоҕолуур соруктаах «Ийэ дойдуга тапталы – ийэ тылынан» диэн нэһилиэк туһунан ырыаны толорууга видеонан күрэс тэрийэр. Манна бөлөҕүнэн эбэтэр биирдиилээн кыттыы көҥүллэнэр. Сааһынан хааччахтааһын +18.
Кыттыы усулуобуйата:
- Нэһилиэк туһунан ырыаны бөлөҕүнэн эбэтэр соҕотохтуу толорууну видеоҕа үчүгэй хаачыстыбалаахтык уһулан ылыҥ.
- Ырыа доҕуһуоллаах буолуохтаах. Акапелла толоруу барсыбат.
- Видеоны кытта ырыа тиэкиһин, кимнээх айбыттарын, толорооччу, бөлөх аатын, олорор сирин толору суруйан, төлөпүөҥҥүтүн ыйан Этот адрес электронной почты защищён от спам-ботов. У вас должен быть включен JavaScript для просмотра. почтабытыгар олунньу 23 күнүгэр диэри ыытыҥ. Ыйытыылаах буоллаххытына: 8 (914) 820-09-75 нүөмэргэ суруйан эбэтэр эрийэн ыйытыҥ.
- Биһиги @Kyym.ru телеграм-ханаалбытыгар сурутуҥ уонна күрэс түмүгүн кэтэһиҥ.
Дьүүллүүр сүбэ, толорооччу куолаһын, толорор таһымын, хайдах туттарын-хаптарын сыаналаан, кыайыылаахтары талыаҕа. Түмүгү үлэлэри тутуу бүппүтүн кэннэ биир сэттиэлэнэн биллэриэхпит.
Кыайыылаахтары бэлиэтээһин:
I Үрдэл – «Көхтөөх уһун үйэлэнии киинигэр» уон күннээх чэбдигирдэр сынньалаҥҥа 10 аҕам саастаах киһиэхэ путевка
II Үрдэл – «Көхтөөх уһун үйэлэнии киинигэр» уон күннээх чэбдигирдэр сынньалаҥҥа 7 аҕам саастаах киһиэхэ путевка
III Үрдэл – «Көхтөөх уһун үйэлэнии киинигэр» уон күннээх чэбдигирдэр сынньалаҥҥа 5 аҕам саастаах киһиэхэ путевка
Биһирэммит кыттааччылар өйдөбүнньүк бириистэри тутуохтара.
*Сайаапкалары тутуу, түмүгү таһаарыы болдьоҕор уларыйыылар киириэхтэрин сөп.
Тэрийэр хамыыһыйа.
