Анал байыаннай дьайыы чахчытын уус-уран тыл күүһүнэн арыйан, АБДь кыттыылаахтарын – буойуннар уонна доброволецтар – хорсун быһыыларын уонна бар дьон дойду кыайарын, барҕарарын туһугар дьулуурун көрдөрөр, саха тылын уонна уран суругун сайыннарар, айар куттаах дьону көҕүлүүр, саҥа уус-уран айымньы суруллуутун ситиһэр соруктаах «Дойдубут туһугар!» хоһоон күрэҕэр үлэни тутуу олунньу 15 күнүнэн тохтуур.
Билиҥҥи туругунан Дьокуускай куораттан уонна 12 улуустан (Бүлүү, Дьааҥы, Кэбээйи, Мэҥэ Хаҥалас, Нам, Ньурба, Таатта, Томпо, Уус-Алдан, Үөһээ Бүлүү, Хаҥалас, Чурапчы) барыта 48 сайаапка киирдэ.
Санаттахха: хоһоон саха тылынан суруллар, күрэххэ ким баҕалаах кыттар; күрэх хоһооно урут бэчээттэммэтэх уонна бэйэ киэнэ буолуохтаах (ааптар быраабын кэһии иһин эппиэтинэһи айымньыны күрэххэ ыытааччы тус бэйэтэ сүгэр); ыытыллар айымньы ис хоһооно киһилии сиэрдээх буолуохтаах; саха тылын-суругун үгэстэрин тутуһуу булгуччулаах; хоһоон кээмэйэ 100 субурҕаны (строканы) таһынан барыа суохтаах; үлэ электрон (ворд) көрүҥүнэн туттарыллар; кыттааччы бэйэтин туһунан кылгас билиһиннэрии ыытыахтаах.
Тэрийээччилэр: «Ситим» медиа бөлөх, «Кыым» бар дьон хаһыатын уонна «Күрүлгэн» уус-уран сурунаал эрэдээксийэлэрэ.
Өйөөччү: Саха Өрөспүүбүлүкэтин Национальнай бибилэтиэкэтэ.
Тутуу болдьоҕо: 2025 сыл олунньу 15 күнүгэр диэри.
Туттарыы: Этот адрес электронной почты защищён от спам-ботов. У вас должен быть включен JavaScript для просмотра. аадырыска элэктириэн пуочтанан ыытыллар.
Дьүүлэ: дьүүллүүр сүбэ эрэдээксийэ үлэһиттэриттэн, суруйааччылартан, өрөспүүбүлүкэ биллэр-көстөр дьонуттан (ол эбэтэр – ааҕааччылартан) тэриллэр; дьүүлдьүттэр көрүүлэригэр ааптардара ыйыллыбатах нүөмэрдэммит үлэлэр бэриллэллэр; дьүүллүүр сүбэ күрэх ирдэбилин уонна саха тылын-суругун үгэһин тутуһууну, хоһоон хомоҕойун, ууһун-уранын, тыла-өһө этигэнин, хоһуйуута-дьүһүйүүтэ бэргэнин-сонунун, ис хоһооно тоҕоостооҕун, номоҕо дириҥин көрөр.
Түмүгү таһаарыы: 2025 олунньу 23 күнүгэр диэри.
Биһирэбил: I үктэл – 25 000 солкуобайдаах бириис; II үктэл – 15 000 солкуобайдаах бириис, III – 10 000 солкуобайдаах бириис; ону таһынан анал эбии биһирэбиллэр олохтоноллор.
Бастыҥ хоһооннор «Кыымҥа», «Күрүлгэҥҥэ» бэчээттэниэхтэрэ. Кыайыылаахтар Аҕа дойдуну көмүскээччи күнүгэр анаммыт тэрээһиҥҥэ ааттаныахтара, бэлиэтэниэхтэрэ.
