Саха өрөспүүбүлүкэтигэр “Түмсүү сылын” (“Год Консолидации”) көрсө Өрөспүүбүлүкэтээҕи “Тыа сирэ – мин дойдум” кэтэхтэн ыстатыйа күрэһин балаһыанньата

Тэрийээччилэр: Саха өрөспүүбүлүкэтин Үөрэҕириитин уонна билимин министиэристибэтэ, Өрөспүүбүлүкэтээҕи “Саха сирин кэнчээри ыччата” тирэх киин, П.А. Ойуунускай аатынан Судаарыстыбаннай литэрэтиирэ түмэлэ, ООО “Ситим” медиа-бөлөх.

Сыала: Айар дьоҕурдаах оҕолору сайыннарыы, өйөөһүн.

Кыттааччылар: VIII-XI кылаас үөрэнээччилэрэ.

“Нэһилиэгим үтүө үгэстэрэ”, “Нэһилиэк олохтоохторун хайдах түмэбит?”, “Төрөөбүт нэһилиэгим сайдарын туһугар тугу оҥоруом этэй?”, “Мин сөбүлүүр суруйааччым”, “П.А. Ойуунускай аатынан судаарыстыбаннай түмэл экспонаттара”, о.д.а.  “Түмсүү сылын” арыйар тиэмэлэргэ суруйуоххутун сөп.

Ыстатыйа суруналыыстыка араас истиилинэн суруллуон сөп:

-  информационнай: бэлиэтээһин, интервью, ойуулааһын, репортаж;

- ырытыы: ыстатыйа, анааран көрүү, кэмэнтээрий, сыаналааһын;

-  уус-уран: эссе, уочарка.

Болдьоҕо: 2019 с. муус устар 15 күнүгэр диэри grurion@mail.ru электроннай почтаҕа “Тыа сирэ – мин дойдум” диэн бэлиэтээн ыытаҕыт. Түмүк муус устар 30 күнүгэр Саха өрөспүүбүлүкэтин Үөрэҕириитин уонна билимин министиэристибэтин, Өрөспүүбүлүкэтээҕи “Саха сирин кэнчээри ыччата” тирэх киинин, П.А. Ойуунускай аатынан Судаарыстыбаннай литэрэтиирэ түмэлин саайтарыгар уонна “Бэлэм буол+” оҕо хаһыатыгар тахсыаҕа.

 Усулуобуйата:

- сыһыарыыга баар былааҥканы толорон үлэ бастакы сирэйигэр сыһыараҕыт;

-  үлэ биир ааптардаах буолар(3 үлэ көҥүллэнэр);

- үлэ 3 илиистэн элбэҕэ суох буолар. Халыыба А4, сириибэ TIMES SAKHA,кээмэйэ 12, апсаас саҕаланыытыгар тэйии 1,25,  устуруока икки арда 1,5.

Кыайыылаахтар добун суруктарынан, “Кэскил” лааҕырга путевканан наҕараадаланыахтара. Кыттыбыт оҕо бары туоһу сурук тутуоҕа. Үчүгэй ыстатыйалар “Дьокуускай эбии үөрэхтээһинэ” уонна“Хатан” ыччат сайдам сурунаалларыгар, “Бэлэм буол+” оҕо хаһыатыгар бэчээттэниэхтэрэ.

Сыһыарыы

Сайаапка былаана