Бүлүүгэ тыа хаһаайыстыбатын үлэһиттэрин ортолоругар ыытыллыбыт «Эр Хоһуун – 2019» куонкурус кыттааччыта да элбэҕинэн, саҥа талааннары да арыйбытынан дьон-сэргэ биһирэбилин ылыан ылла. Маннык сонун күрэҕи улуустааҕы тыа хаһаайыстыбатын департамена, олохтоох производственнай, потребительскай кооперативтар, бааһынай хаһаайыстыбалар, нэһилиэктэр баһылыктара күүс-көмө, сүбэ-ама буолан тэрийдилэр.
Бүлүү куоратын «Алгыс» сынньалаҥ киинин сыанатыгар «Эр Хоһуун – 2019» куонкуруска бэйэлэрин талааннарын, сатабылларын көрдөрөөрү 12 эр хоһуун уолаттарбыт тахсыбыттарын көрөөччүлэр дохсун ытыс тыаһынан уруйдуу-айхаллыы көрүстүлэр. Ол курдук Лөкөчөөнтөн бааһынай хаһаайыстыбалаах Александр Леонтьев, Халбаакыттан бааһынай-фермерскэй хаһаайыстыбаттан Анатолий Эверстов, Чочуттан «Ампаардаах» ООО ветеринар-осеменатора Федор Варфоломеев, «1-й Күүлэт» ПК биригэдиирэ Владимир Васильев, «Бөтүҥ» ПК ыанньыксыта Василий Дмитриев, «Мастаах» ПК биригэдьиир механига Николай Степанов, «Сыа Бүлүү» СХППК рабочай экспедитора Егор Семенов, Хаҕынтан бааһынай хаһаайыстыбаттан Дьулустаан Киряев, «Тыымпы» ПК бырабылыанньатын бэрэссэдээтэлэ Аян Боронов, «Кыргыдай» ПК ыанньыксыта Прокопий Мальцев, Тааһаҕартан тыа хаһаайыстыбатын специалиһа Евгений Потапов, Кыргыдайтан «Илин» бааһынай хаһаайыстыба ыанньыксыта Рустам Абрамов – бары дьоһуннук, кэрэхсэбиллээхтик кыттыбыттарын бэлиэтиир тоҕоостоох.
«Эр Хоһуун – 2019» куонкурус бары кыттааччыларын уонна тыа хаһаайыстыбатын салаатын бары үлэһиттэрин тыа хаһаайыстыбатын миниистирин солбуйааччы Прокопий Романович Николаев, тыа хаһаайыстыбатын департаменын салайааччы Павел Павлович Иннокентьев истиҥник эҕэрдэлээтилэр. Биэс киһилээх жюри үлэтин Бүлүүтээҕи ПУ-31 дириэктэрэ Иван Иванович Алексеев салайда.
Куонкурус бары кыттыылаахтара «Бэйэни билиһиннэрии», «Талааны көрдөрүү», «Штиль» эрбиини мүнүүтэҕэ ыһыы-хомуйуу», «Тоҥ балыгы кыһыы» курдук олус интэриэһинэй түһүмэхтэр сорудахтарын ким хайдах бэлэмнэммитинэн, туох кыахтааҕынан, олус кыһанан туран толордулар. Ол курдук Александр Леонтьев, Евгений Потапов сыанкаларга бэйэлэрин оруолларын толорууга ордук чорбойдулар. Аян Боронов грузинскай үҥкүүтэ, Дьулустаан Киряев ырыата, Владимир Васильев хомуска оонньооһуна уо.д.а. толоруулар көрөөччүлэр биһирэбиллэрин ыллылар. «Штиль» эрбиини ыһан баран хомуйууга Федор Варфоломеев тэҥнээҕин булбата. Тоҥ балыгы кыһыыга эр хоһууннарбыт бары дэгиттэрдэр. Ити курдук уолаттарбыт бары олус талааннаахтарын, сатабыллаахтарын көрдөрдүлэр.
Маннык уһун эрийсиилээх куонкурус түмүгүнэн анал ааттары ыллылар: «Көрөөччү биһирэбилэ» – Тааһаҕартан Евгений Потапов, «Дэгиттэр талаан» – Хаҕынтан Дьулустаан Киряев, «Үлэҕэ бэриниитин иһин» – Чочуттан Федор Варфоломеев, «Тыа сирин кэскилэ» үрдүк аат – Халбаакыттан Анатолий Эверстов, «Эр Хоһуун – 2019» муҥуутуур кыайыылааҕын аата Тыымпыттан Аян Бороновка ананна. Кыайыылаахтарга араас бириистэр, өйдөбүнньүк бэлэхтэр, грамоталар туттарылыннылар.
Ааптар: Николай ФЕДОРОВ, ulus.media/
Сэҥээриилэр
My web-site - Вечные: https://bit.ly/Vichni-2021-dyvytys-onlayn
my page - Вечные: https://bit.ly/3k7aaip
хорошій якості HD Вечные: https://bit.ly/3bSJyx4
незнакомцам: https://bit.ly/30cqmb7
убивает: https://bit.ly/300avMC
які вже вийшли Ви можете дивитися українською на нашому сайті Ледяной демон смотреть онлайн: https://bit.ly/2ZYWFde
дуэль: https://bit.ly/3mRnV6v
Look at my web-site ... Человек паук онлайн: https://clck.ru/XEMJK