Киир

Киир

Кулун тутар 5 күнүгэр “Абилимпикс” V эрэгийиэннээҕи чөмпүйэнээт  сүүмэрдиир күрэхтэһиитин кыайыылаахтара наҕараадаланнылар. Бу күрэхтэһии Саха сиригэр 2016 сылтан ыытыллар. Быйылгы күрэхтэһии кулун тутар 1-5 күннэригэр Дьокуускайга уонна Нерюнгри куоракка буолла.

Күрэхтэһии 19 компетенциянан ыытылынна. Уопсайа 138  киһи кыттыыны ылбыт. Олортон 45 үөрэнээччи, 80 устудьуон уонна 13 исписэлиис. Кинилэр үлэлэрин 22 сүрүн эксперт, 60 компатриот-эксперт уонна  36 туспа  эксперт сыаналаатылар. Бу күрэхтэһии сүрүн сыала-соруга диэн, доруобуйаларынан хааччахтаах дьону үлэнэн хааччыйыы буолар.

20200305 111328

Тэрээһиҥҥэ СӨ үөрэҕин уонна билимин миниистирэ Владимир Егоров ыалдьыттаата. Ааспыт сылга Москубаҕа буолбут күрэхтэһии финалыгар Саха сириттэн 21 киһи кыттан түөрт мэтээли ылбыттарын бэлиэтээтэ. Быйылгы күрэхтэһии кыайыылаахтара эмиэ ситиһиилээхтик кыттан өрөспүүбүлүкэ чиэһин көмүскүөхтэрэ диэн бүк эрэллээҕин эттэ. Ону таһынан, дойду сүүмэрдэммит хамаандатыгар киирэллэригэр баҕа санаатын, тэрийээччилэргэ, экспертэргэ улахан махталын уонна мустубут дьоҥҥо дьолу, доруобуйаны, ситиһиини баҕарда.

Тарҕат:

Санааҕын суруй