Хой
Бу нэдиэлэҕэ хойдор сүрэххитинэн буолбакка, тымныы өйгүтүнэн сирдэтэн олоруҥ. Олус судургута суох эрээри, элбэх сүпсүлгэннээх нэдиэлэ күүтэр. Тутулуга суох буолуҥ, былааннаргытын харса суох олоххо киллэрэн барыҥ. Нэдиэлэ ортото – улахан атыыны-тутууну оҥорорго табыгастаах кэм. Өрөбүллэргэ дьиэ кэргэниҥ иһигэр сыһыаны тупсара сатаа. Табыллар күннэр – ахсынньы 6, 10 күннэрэ, табыллыбат – 13.
Оҕус
Атын дьон дьыалатыгар орооһума, бэйэҥ да дьыалаҕын ыпсардаххына сөп буолуо. Салалтаҥ “үчүгэйдик үлэлиигин” эҥин диэн хайҕаатаҕына, “оннук үчүгэй буоллахпына – харчынан бириэмийэтэ биэриҥ” диэн кыбыстыбакка көрдөө. Баҕар, биэриэхтэрэ. Уопсайынан, үлэҕэ-хамнаска чуумпу нэдиэлэ, онон дьиэҕинэн-уоккунан дьарыктан. Иирсээҥҥэ киирэн биэримэ. Табыллар күннэр – 10, 11, табыллыбат күн – суох!
Игирэлэр
Үөрэнэргэ, саҥаны билэргэ-көрөргө аһара табыгастаах күн-дьыл үүммүт. Ону туһана сатаа. Үөрэнэр хаһан да хойут буолбатах. Нэдиэлэ сүрүн идиэйэтэ – уларыйыыларга бэлэм буол. Баччааҥҥа диэри “утуйа сылдьыбыт” саҥа, дьикти дьоҕурдарыҥ арыллан соһутуохтарын сөп. Нэдиэлэ ортотугар холкутуй, араас холус, быһымах дьайыыларга киирэн биэримэ. Табыллар күннэр – 6, 11, табыллыбат – 7.
Араак
Сиэри таһынан элбэх долгуйуулаах, соһутуулаах нэдиэлэ буолуо, онтон отуоруҥ хамсаабатын туһугар “кыра аайы кыһаллыбат” бириинсиби тутус. Ол эрээри, чуолкай, сууххай, быһаччы уонна бэйэҕэр эрэллээх буол. Хантан эрэ соһуччу дохуот күөрэйэн кэлиэн сөп. Нэдиэлэ бүтүүтэ иирсээнтэн-этиһииттэн тэйиччи сырыт. Эйиэхэ күнүүлүүр киһи элбэх – олорго наадыйыма. Табыллар күннэр – 8, 9, табыллыбат – 7.
Хахай
Харчыгын кэмчилии үөрэн. Үп-харчы туруга этэҥҥэ эрээри, былааҥҥа киирбэтэх ороскуот тахсыан сөп. Атастар-доҕоттор көстөн харчы умналыы сатыахтара, онно аһара дэлэгэмсийимэ. Ол дьон иэс ылан баран умуннарыахтарын баҕараллар. Эн олоххо дьулуургунан атыттары батыһыннараҕын, дьон эйигин үтүктүөн баҕарар. Бэрт интэриэһинэй нэдиэлэ. Табыллар күннэр – 7, 10, табыллыбат – 8.
Кыыс
Үлэҕэ күүрээн, олоххо дьулуур эйиэхэ тобус-толору. Ол эрээри сулана-кэлэнэ, бэйэлэрин аһыннара сатыы сылдьар, киһи санаатын түһэрэр куһаҕан энэргиэтикэлээх дьонтон дьалты тутун. Үп-харчы туруга олус бэрт. Уустуктартан куттаныма, олох бары эйгэтигэр актыыбынай, көхтөөх буол. Өрөбүллэргэ урукку доҕотторгун түмэн бырааһынньыкта тэрий. Табыллар күннэр – 10, 12, табыллыбат – 11.
Ыйааһын
Эйигин солбуйар кыахтаах киһи суоҕун өссө төгүл бигэргэтэ сатаа. Үрдүкү салалтаҥ эйигин “быһаарса” диэн ыҥырдаҕына, кыһаллыма, “ааннарын тэбэн” да киириэххин сөп. Тоҕо диэтэххэ, эн курдук профессионал суоҕун кинилэр эмиэ билэллэр. Харчы туруга үчүгэй эрээри, нэдиэлэ барыта санаа хоту табыллыа суоҕа. Дьон сүбэтин истэ сатаа. Харчыны иэс ылыма. Табыллар күннэр – 8, 11, табыллыбат – 12.
Скорпион
Туруоруммут сүрүн сыалгын-соруккун умнума, батыһа сылдьан ону-маны умналыы сатыыр кэллиэгэлэргэр, доҕотторгор аккаастыыртан кыбыстыма. Туох да буолуохтара суоҕа. Бу нэдиэлэҕэ үлэ-хамнас эйиэхэ бастакы уочаракка туруоҕа. Болҕомтолоохтук уонна үтүө суобастаахтык үлэлээ. Оттон өрөбүллэргэ сүрүн кыһамньыгын дьиэ кэргэҥҥэр туһаай. Табыллар күннэр – 10, 12, табыллыбат – 9.
Охчут
Саарбах соҕус үп-харчы эпэрээссийэтигэр кыттыспатаххына, “түөкүннүҥү” табаарыстардыын алтыспатаххына, наһаа сэргэх, интэриэһинэй нэдиэлэ күүтэр. Нэдиэлэ иккис аҥаарыгар таптал, истиҥ иэйии дьоллоох түгэннэрэ көбөн кэлиэхтэрин сөп. Нэдиэлэ бастакы аҥаарыгар айар үлэнэн дьарыктана сатаа. Нэдиэлэ ортотугар сүрэҕиҥ аҥаарын, кэргэҥҥин тугунан эрэ үөрдэргэ кыһалын. Табыллар күннэр – 7, 9, табыллыбат – 11.
Чубуку
Кэлэктиибинэн көхтөөх үлэҕэ бэйэҕин үчүгэйдик көрдөрдөххүнэ, “бу наһаа үчүгэй үлэһит сылдьар эбит” диэн салалта бэлиэтии көрүө. Үп-харчы эбии киириэ, ону ааһан, судаарыстыбаннай уорганнартан кытта болҕомто ууруллуон сөп. Дьиэҕин-уоккун бэрий, сааһылаа, тупсар. Нэдиэлэ ортотугар лотереяҕа кыттан боруобалаан көрүөххүн сөп. Кыра да буоллар, кыайар “шанс” баар. Табыллар күннэр – 8, 9, табыллыбат – 7.
Күрүлгэн
Бэйэҥ тугу баҕараргынан дьарыктан, оччоҕо нэдиэлэ барыта бэркэ ааһыа. Күрүлгэннэр араас саарбах, дьээбэлээх суолларга холонон көрүөхтэрин баҕараллар эрээри, онтон туттуналлара наада. Чугас дьоҥҥутун кытта үөрүүнү үллэстиҥ, эн атыттартан барыларыттан уһулуччу ордон көстөҕүн. Нэдиэлэ ортотугар төрөппүттэргиттэн харчынан көмө көстөр. Чэппиэргэ – кимниин эрэ истиҥ көрсүһүү. Табыллар күннэр – 7, 11, табыллыбат – 9.
Балыктар
Аһара чуҥкук, хобдох олохтон сылайдыҥ, хал буоллуҥ? Дьыбааҥҥыттан ыстанан туран хамсанан бар, олоҕуҥ тупсара, сэргэхсийэрэ барыта бэйэҕиттэн тутулуктаах. Бэнидиэнньиккэ үлэҕэр хойутаан дуу, итирик-холуочук дуу тиийэн салалтаҕын кыынньаама. Уопсайынан, үлэҕэ-хамнаска ситиһии күүтэр. Кыра, бытархай суолларга эрэ ыһыллымыаххын наада. Табыллар күннэр – 9, 12, табыллыбат – 10.
