Киирии

Киирии

Бэҕэһээ Мииринэй политехническэй институтун уоланнарын “Мистер МПТИ-2018» күөн күрэhэ “Алмаас” култуура уораҕайыгар буолан ааста.

МПТИ устудьуоннарыттан 12 уолан  күрэскэ кыттыыны ылла. Тэрийээччилэр, институт үлэhиттэрэ, устудьуоннар, тэрээhин урукку сыллартан ураты кэрэхсэбиллээх, сиэдэрэй буоларыгар кыhаннылар.

mir1

Күрэх бастакы түhүмэҕэ – ыччаттар күүстэрин-уохтарын тургутуу. МПТИ спордун саалатыгар уолаттар “челночнай сүүрүүгэ”, туора тимиртэн тардыныыга, муостаттан анньыныыга, бойобуой дьарыкка күрэхтэстилэр.

Онтон «Алмаас» култуура дыбарыаhыгар күрэс сүрүн чааhа буолла.

mir2

Бу – Самуил Маршак « Уон икки ый » диэн Саҥа дьыллааҕы остуоруйатын матыыбынан уус-уран дьүһүйүү-шоу. Дьыл уон икки ыйдарынан уон икки хорсун устудьуон буолла.

mir3

Онон күрэс испиктээх быыһыктаах буолан, көрөөччүлэр санааларын ордук тапта.

mir4

Бастакы түhүмэххэ устудьуон уолаттартан үҥкүүгэ, муодаҕа, Саҥа дьыллааҕы бастыҥ киэргэниигэ ким ордугун дьүүллүүр сүбэ көрдө.     

mir5     

mir6            

mir7

Саха ньургун уолаттарыттан маннык хабааннаах тэрээhиннэргэ үгүс киhи кыттара – сэргэх көстүү.

mir9

Онон кыттааччылар сыанаҕа холкутук туттарга-хаптарга, дьон-сэргэ иннигэр саҥара-иҥэрэ үөрэнэллэригэр төһүү буолла.      

mir8    

Уолаттар хара маҥнайгыттан дьоһуннара, саалаҕа олорбут кэрэ аҥардар сүрэхтэрин сүүйбүт буолуохтаах.

mir10

mir11

mir12

Бүтэhик түһүмэххэ үҥкүү-битии, муода, артыыстааhын эрэ буолбакка, мындыр өй, уус-уран талаан, устуоруйаны билии тургутулунна.

mir13

Бары да күрэhи бэркэ диэн дьоһуннаахтык түмүктээтилэр.

mir14

mir15

Түмүккэ дьүүллүүр сүбэ мунньахтаан ким кыайыылаах буолбута билиннэ.

«Мистер МПТИ-2018» ааты Андрей Янков ылла.

mir16

Андрей ньиэп уонна гаас салаатыгар иккис кууруска үөрэнэр, Өлүөхүмэ куоратыттан сылдьар.

Бастакы “Вице-мистер МПТИ” – Андрей Андросов, иккис “Вице-мистер МПТИ” - Максим Ананьев буоллулар.                

mir17

Бу кэрэ-бэлиэ тэрээhин успуонсордара да баай, бириистэрэ да бэртээхэй буолан биэрдэ.

Станислав Алексеев. Мииринэй куората.                                    

Тарҕат:

Комментарии

МПТИ
+9 МПТИ 27.12.2018 08:35
:D 1 миэстэ - Өлүөхүмэ уола А.Янков.
2 миэстэ Анаабыр, Сааскылаах уола. А.Андросов.
3 миэстэ-Сунтаар уола М.Ананьев.
Ответить

Защитный код Обновить