Алтынньы 26-27 күннэригэр Дьокуускайга «Куруһаала» атыы-эргиэн эрээтигэр «СахаПромЭкспо» быыстапкаҕа хайаны байытар тэриллэр, анал тиэхиньикэлэр уонна сапчаастар, спутник сибээһэ, бырамыысыланнаска туттуллар ыстаныактар уонна онтон да атын тэриллэр көрдөрүүгэ туруохтара. Быыстапканы ,бырамыысалыннаска сыһыаннаах да, сыһыана да суох дьон сэргии көрүөхтэрэ.
Манна Арассыыйа 12 регионун уонна Беларусь өрөспүүбүлүкэтин тэрилтэлэрэ, бэрэстэбиитэллэрэ түмсүөхтэрэ. Кинилэр «Санкциялар уонна сапчаастар: хантан, тугу атыылаһабыт» диэн тиэмэҕэ туһалааҕы кэпсиэхтэрэ, баахта бөһүөлэгэр сибээс инфраструктуратын, бырамыысалыннас фильтрациятын, тимири быһар ыстаныактар туһунан тыҥаан турар уонна да атын ыйытыыларга хоруйдуохтара.
Алтынньы 27 күнүгэр быыстапка дьыалабыай чааһыгар «Арктика уонна Хотугу сир усулуобуйатыгар туһанарга сөптөөх саҥа аныгы технологиялар уонна тэриллэр» диэн төгүрүк остуол ыытыллыа.
Быыстапкаҕа киирии – босхо. Сарсыарда 10.00 чаастан киэһэ 17.00 чааска диэри.
Тэрийээччи нүөмэрэ: 8 (4112) 42-24-02
Тиэкис: KYYM.RU
