Киирии

Киирии

Бэҕэһээ, ыам ыйын 23 күнүгэр, М.К.Аммосов аатынан ХИФУга “Научное и кадровое обеспечение социально-экономического развития регионов Российской Федерации при реализации национальных проектов” диэн эрэгийиэннэр икки ардыларынааҕы бэрэпиэссэрдэр сугулааннара буолан ааста. Сугулаан чэрчитинэн тоҕоостоох темаларга форсайт-сессия уонна киэҥ ыҥырыылаах кэпсэтиһии ыытылынна. Тэрээһин уопсай пленарнай мунньаҕынан түмүктэннэ.

Сугулаан аан бастакытын билим араас эйгэтиттэн араас эрэгийиэннэртэн уонна дойдулартан бэрэпиэссэрдэри түмтэ. Бу тэрээһин “Российское професорское собрание” уопсастыбаннай тэрилтэ Саха сиринээҕи салаатын уонна ХИФУ көҕүлээһиннэринэн ыытылынна.

ProfForum 2

Үөрэхтээһин, билим, култуура, Саха сирин судаарыстыбаннаһа, сыыппара технологията, доруобуйа, экология, аграрнай бырамыысалыннас уо.д.а. тиэмэлэргэ бэрэпиэссэрдэр, уопсастыбанай деятэллэр уонна судаарыстыбаннай уорган бэрэстэбиитэлэрэ бэрт хорутуулаах кэпсэтиилэри таһаардылар. Болҕомтону ордук национальнай бырайыактары олоххо киллэриигэ билим уонна каадырын өттүнэн хааччыйыы туһунан форсайт-сессияларга, төгүрүк остуолларга, дискуссияларга ырыттылар.

Үөрэхтээһин эйгэтин иннигэр өрөспүүбүлүкэ олоҕун бары хайысхаларыгар саҥа саҕахтары арыйар сөптөөх экэниэмикэни тутар сүрүн сорук турар. Инньэ гынан, сугулааҥҥа кэм ирдэбилигэр сөп түбүэһэр тоҕоостоох кыһалҕалары илдьиритистилэр. Быйылгы сыл Саха сиригэр Сомоҕолоһуу сылынан биллэриллибитэ. Маныаха научнай уопсастыба эрэгийиэн сайдыытын туһугар күүһү түмэн үлэлииргэ бэлэмнэҕин биллэрдэ.

Бэрэпиэссэрдэр сугулааннара Саха сирин 2032 сылга диэри (2050 сылга диэри иэҕиллиилээх) социальнай-экэнэмичэскэй сайдыытын тосхолун олоххо киллэриигэ уонна сүрүн хайысхаларга уопсастыбаннай хонтуруол уонна эспиэрдиир мониторинг киинэ тэриллэригэр туһааннаах кылааты киллэрэргэ бэлэм. Тэрээһиҥҥэ Арассыыйа бэрэпиэссэрдэрин түмсүүтүн бэрэссэдээтэлэ, юридическэй билим дуоктара, МГИМО гражданскай уопсастыба кафедратын сэбиэдиссэйэ, бэрэпиэссэр Владислав Гриб кытынна.

VladislavGrib

Кини “хайаан даҕаны ыччаты уонна билим каадырдарын өйүөхтээхпит, социальнай , үөрэх уонна научнай инфраструктураны сайыннарыахтаахпыт. Сугулааҥҥа үөрэхтээһин хаачыстыбатын үрдэтии туһунан кэпсэттибит. Университет, бэрэпиэссэр оруола эрэгийиэн сайдыытыгар баһылыыр өрүтү ылар. Билим уонна үөрэхтээһин сайдыытыттан дойду олоҕо тутулуктанар” диэтэ.

DarimaGarmaeva

ХИФУ Мэдэссиинэ институтун бэрэпиэссэрэ , бэрэпиэссэрдэр түмсүүлэрин Саха сиринээҕи салаатын салайааччыта Дарима Гармаева этэринэн, сугулаан пленарнай мунньаҕар киирбит этиилэр былаас уорганнарыгар киирэн сөптөөх көмөнү ылыа диэн эрэнэрин биллэрдэ.

Мария ВАСИЛЬЕВА, СИА хаартыскалара

Тарҕат:

Комментарии

Защитный код Обновить