Киир

Киир

Хаҥалас улууһун Сиинэ сэлиэнньэтигэр, «Өлүөнэ очуостара» айылҕа пааркатын Сиинэтээҕи учаастагын «Синяя» пааркаҕа киллэрии уонна эрэгийиэннээҕи таһымын федеральнай таһымҥа таһаарыы туһунан боппуруостары ырыттылар. Бу туһунан Саха Өрөспүүбүлүкэтин Экологияҕа министиэристибэтэ иһитиннэрэр.

Сиинэ олохтоохторо «Өлүөнэ очуостара» айылҕа пааркатын Сиинэтээҕи сирин «Синяя» учаастакка киллэрбэккэ, өрөспүүбүлүкэтээҕи суолталаах ордук харыстанар сир-уот систиэмэтигэр сылдьыбытын курдук хаалларыахха диэн эттилэр.

Маны таһынан, этиилэри ырытыһыы кэмигэр, олохтоох дьон «Өлүөнэ очуостара» айылҕа пааркатын Сиинэтээҕи учаастагын «Сиинэ очуостара» диэҥҥэ уларытыахха диэн этии киллэрдилэр.

"Сиинэ олохтоохторун ордук долгутар боппуруос – ордук харыстанар сири-уоту бөҕүнэн киртитии. Көрсүһүү кыттыылаахтара бу маннык кыһалҕаны хайдах оҥорбот буолуохха уонна кэлэр көлүөнэҕэ айылҕа ураты сирин-уотун хайдах харыстыахха сөбүн туһунан ырыттылар. Ону сэргэ, көрсүһүү кыттыылаахтара экологическай туризм сайдыытын, чуолаан Сиинэ очуостарын туристическай инфраструктуратын оҥоруу бырайыагын туһунан ырыттылар», - диэн Биологическай ресурстар, ордук харыстанар сирдэр уонна айылҕа пааркаларын Дирекциятыгар иһитиннэрдилэр.

Уопсайынан, экологтар уонна Сиинэ нэһилиэгин бэрэстэбиитэллэрин көрсүһүүлэрэ ыллыктаах этиилэринэн түмүктэннэ. Бары этиилэр уонна баҕа санаалар иһилиннилэр уонна салгыы үлэ хаамыытыгар киириэхтэрэ диэн биэдэмистибэҕэ бигэргэттилэр.

390

Тарҕат:

Санааҕын суруй

Бүтэһик сонуннар