Киир

Киир

Амма өрүс чиэһигэр ааттанна

РАН Сибиирдээҕи салаатын Алмаас уонна өҥнөөх металлар геологияларын Институтун учуонайдара Г.С. АНИСИМОВА, Л.А. КОНДРАТЬЕВА, В.Н. КАРДАШЕВСКАЯ Ферсмановскай Минералогическай түмэлин сотруднига А.В. КАСАТКИННЫЫН, Италияттан уонна Чехияттан Фабрицио НЕСТОЛА, Якуб ПЛАШИЛ, Иржи СЕЙКОРА, Радек ШКОДА диэн кэллиэгэлэринээн уонна «Якутскгеология» АУо геолога Е.П. СОКОЛОВы кытта Tl2TeO6, АМГАИТ диэн саҥа минералы арыйдылар. Бу айылҕаҕа аан маҥнайгытын таллийы кытта теллур холбоһуута – таллий теллурата (теллурат таллия). Бу минерал Саха сиригэр Алдан оройуонун, Амма өрүс уҥа салаатын, Хохой үрүйэ үөһээҥҥи сүүрүгүн, Алдан куоратыттан 120 км арҕаа баар Хохойдооҕу көмүс уонна руда көстөр сириттэн булулунна. Амма өрүс чиэһигэр саҥа минералы АМГАИТ диэн ааттаатылар.

АМГАИТ 2

Амгаит элбэх маҥнайгы руда үлтүркэйдэрдээх, 0,05 мм диэри кээмэйдээх бытархай туораах курдук зональнай агрегат боруодалардаах лимонитизированнай кумах-туойунан туолбут карстовай көҥдөйдөртөн булуллубут.

Дьүһүнэ: олус хараҥа кыһыллыҥы-кугастан хара дьүһүҥҥэ диэри. Раковистай тостуулаах. Рентгенограммата синтетическэй солбудаһыгар тэҥнээх. Химическэй састааба: MgO 0, 43. CaO 1,62, Mn2O3 0,25, Fe2O3 0,16, Tl2O3 66,27, Sb2O5 3,48, TeO3 27,31. Идеальнай формулата – Tl2TeO6

АМГАИТ

 Амгаит зоналарынан туораахтара. Cameca SX-100 электроннай микроскобунан устуу (А.Е. Ферсман аатынан минералогическай түмэл, Москуба куорат)

Бу булумньу минераллар саарыстыбаларын туһунан өйдөбүлү кэҥэтэр уонна көмүстээх руда баар сирдэрэ үөскүүр хаамыыларын өйдүүргэ суолталаах.

Источник: СО РАН Алмаас уонна өҥнөөх металлар геологиятын Института