“Демография” национальнай бырагыраама чэрчитинэн, Саха сиригэр федеральнай бүддьүөттэн эбии үбү көрүөхтэрэ. Бу туһунан РФ Үлэҕэ уонна социальнай харалтаҕа миниистирэ Максим Топилин иһитиннэрэр.
“Эһиилгиттэн Уһук Илин эрэгийиэннэригэр федеральнай бүддьүөттэн эбии анал төлөбүрү маннык хайысхаларынан көрөр буолуохтара: бастакытынан – бастакы оҕо төрөөтөҕүнэ биир кэмнээх төлөбүр оҥоһуллар буолуоҕа. Иккиһинэн – Ийэ хапытаалын курдук усулуобуйаҕа иккис оҕо төрөөтөҕүнэ, хапытаалтан таһынан эбии төлөбүр оҥоһуллуоҕа. Үсүһүнэн – үһүс оҕо төрөөтөҕүнэ төлөнөр төлөбүр бырагырааматыгар оҕо төрөөһүнүгэр иккиттэн элбэх коэффициеннаах эрэгийиэннэри – Чукотканы, Бурятияны уонна Саха сирин (дойду атын эрэгийиэннэригэр баар көрдөрүүттэн тутулуга суох)” киллэрдибит”, – диэн тойон Топилин иһитиннэрдэ.
Бастакҕы оҕо төрөөтөҕүнэ көрүллэр биир кэмнээх көмө кээмэйэ билиҥҥитэ чопчулана илик. Оттон эбии Ийэ хапытаала 130 тыһ. солк. тэҥнэһиэҥэ (хапытаал 30%). Оттон үһүс оҕоҕо көрүллэр босуобуйа төһө кээмэйдээх буоларын быһаарарга билиҥҥитэ софинансирование кэмнэбилэ быһаарылла сылдьар диэн Топилин эттэ.
