Аллараа Бэстээх тимир суол ыстаансыйатыттан тохсунньу 30 күнүттэн Хабаровскай куоракка дылы уларытан олордуута суох (беспересадочный) бырысыаптаах вагон айанныаҕа. Бу туһунан “Железные дороги Якутии” хампаанньа иһитиннэрэр.
Купелаах вагон 6 күҥҥэ биирдэ айанныыр буолуоҕа.
Аллараа Бэстээхтэн маннык күннэргэ хоҥнор: тохсунньу 30 күнэ, олунньу 5,11,17,23,29 күннэрэ, кулун тутар 6,12,18,24,30 күннэрэ, муус устар 5,11,17,23,29 күннэрэ.
Хабаровскайтан: олунньу 2,8,14,20,26 күннэрэ, кулун тутар 3,9,15,21,27 күннэрэ, муус устар 2,8,14,20,26 күннэрэ.
Аллараа Бэстээхтэн прицептаах вагон "Аллараа-Бэстээх-Нерюнгри пассажирская" ыстаансыйаҕа дылы айанныыр поеһынан сарсыарда 10 ч. хоҥнор. Хабаровскайга дылы 2 суукка айанныыр уонна олохтоох биримэнэн Хабаровскайга сарсыарда 6 ч. 45 мүн. тиийэр.
Билиэттэри тохсунньу 24 күнүттэн “ЖДЯ”, “ФПК” кассаларыттан, ГАВСтан уонна “РЖД” саайтыттан атыылаһыааха сөп.
