Киир

Киир

Кулун тутар 15-16 күннэригэр Дьокуускай куоракка Горнай улууһа тэриллибитэ 90 сылыгар уонна быйыл сайын ыытыллыахтаах XXI “Манчаары оонньууларыгар” аналлаах улуус күннэрэ буолан аастылар. Горнай өрөспүүбүлүкэ биир сайдыылаах улууһа буолан иһэр. Аҕыйаҕы аҕыннахха, Бэрдьигэстээххэ диэри аспаал суоллаахтар. Бу күннэргэ Бэрдьигэстээххэ күүтүүлээх гаас ситимэ кэлэр. Өрөспүүбүлүкэ улуустарыттан горнайдар бастакынан улуус аныгы көстүүтэ буолар дизайн-коду оҥорторон, киллэрэ сылдьаллар.  

 

Улуус баһылыга Н.В. Андреев салалталаах дэлэгээссийэ тутуу, тыа хаһаайыстыбатын, экология, айылҕа баайын туһаныы, тырааныспар уонна суол министиэристибэлэригэр, уо.д.а. тэрилтэлэргэ сылдьан улуус олоҕун таһымын үрдэтэр боппуруостары дьүүллэстилэр. Дьокуускай куорат салалтатын, куорат баһылыгар хандьыдаат Е.Н. Григорьевы кытта көрсөн, куораты кытта бииргэ үлэлэһии тосхолун кэпсэттилэр. Ил Түмэҥҥэ дьокутааттар кыттыылаах Горнай улууһун сайдыытын стратегиятын ырытыстылар.

Горный Манчаары копия

Өрөспүүбүлүкэтээҕи медиа-кииҥҥэ “Манчаары оонньууларыгар” бэлэмнэнии хайдах баран иһэрин туһунан улахан пресс-кэмпириэнсийэ тэрийэн ыыттылар.

IMG 20210315 WA0100 копия

Өрөспүүбүлүкэ киэн туттар биллиилээх биир дойдулаахтарын: саха норуодунай суруйааччылара Семен уонна Софрон Даниловтар, саха норуодунай бэйиэтэ Савва Тарасов, норуодунай ырыаһыт Раиса Захарова, Сэбиэскэй Сойуус Дьоруойа В.Д. Лонгинов, суруйааччы Петр Аввакумов мемориальнай таастарыгар сибэкки уурдулар. Кулун тутар 15 күнүгэр Юрий Гагарин аатынан култуура уонна аныгы ускуустуба киинигэр "КУОРУНАЙ ӨРӨГӨЙӨ – МАНЧААРЫ ООННЬУУТА" диэн улахан аахсыйа-кэнсиэр түһүлгэтэ тэриллэн, биир дойдулаахтарын муста.

 

92754961 af36 42a1 b5ce 606c1805da34

Аахсыйа чэрчитинэн "Горнай – мин дойдум!" диэн уран тарбахтаахтар оҥоһуктарын атыы-дьаарбаҥката, бүтүн Саха сирин аан дойдуга ааттаппыт аатырбыт модельер Августина Филиппова "Ускуустуба өрөгөйө" диэн айар быыстапката, "Дойдуҥ аһын сүүй – “Манчаары оонньууларыгар” кыттыс" диэн сүүйтэриитэ суох оонньуу, улуус нэһилиэктэрэ айылҕа биэрбит булт аһын, сир үүнээйилэриттэн сүүйүүнү оҥорон, биир дойдулаахтарын үөртүлэр. Бу аахсыйаҕа хомуллубут 320 тыһ. солк. XXI “Манчаары оонньууларын” өйүүр улуустааҕы анал пуондаҕа киирдэ.

Бэй. кэр.

Тарҕат:

Санааҕын суруй