Өрөспүүбүлүкэтээҕи хоруона хамсыгын утары охсуһар штаб иһитиннэриилэригэр сигэннэххэ, Мииринэй оройуонугар ыарыһах ахсаана элбии турар. Ковид госпиталыгар – дьон толору. Амбулаторнай көмө ылааччы – хара баһаам.
МЦРБ улахан дьоҥҥо бэликилииникэтэ өрөбүллэри билиммэккэ үлэлии олорор. Быһыыны ылыыны утарааччылар, дьону буккуйаннар, маннык мөкү түмүккэ кэллибит.
Кафелар, эрэстэрээннэр, остолобуойдар, успуорт саалалара, тренажернайдар үлэлии тураллар. Куйаар куодтаах элбэҕэ суох. Дьон социальнай дыстаансыйаны, мааскаланыыны төрүт билиммэт. Маҕаһыыннарга дьон мааската суох киирэр. Антисептигынан туһамматтар.
Дьиэлэр бэдийиэстэригэр ыччат мустубутун курдук муста турар. Ким да кинилэри боппот. Биирдэ эмит, бэлииссийэ ыҥырдахтарына куотан хаалаллар. Сотору буолаат, эмиэ мусталлар. Мииринэй куоратыгар маны утары кэккэ дьаһаллар ирдэнэллэр.
Станислав Алексеев. Мииринэй куората. Ааптар хаартыскалара
