Саха сиригэр бу сыл алтынньытыгар 942 оҕо төрөөбөт: 485 – уол, 457 – кыыс. Оттон бу сыл 10 ыйын иһигэр өрөспүүбүлүкэбитигэр барыта 8939 оҕо күн сирин көрбүт. Ол иһигэр 4394 кыыс, 4545 – уол.
ЗАГС управлениетын чахчыларыттан көрдөххө, алтынньыга төрөөбүт уолаттары, сүрүннээн, Александр, Лев, Дархан, Мирон, Роман, Эркин, Тимур, Аман уонна Эрсан диэн сүрэхтээбиттэр. Эмиэ ити ыйга Александр-Лев, Дастин, Демиан, Зейд, Марс, Рагим уонна Соломон диэн сэдэх ааттары иҥэрбиттэр.
Кыргыттар ортолоругар ордук София, Аделина, Амелия, Виктория, Ева, Эмилия, Милана, Кира уонна Кэрэли диэн ааттар баһыйаллар. Ол иһигэр Джису, Елиана, Каталея, Лолита, Мирабелла, Никандра, Сигуна диэн киһи күннэтэ истибэт ааттара бааллар.
Билэргит курдук, Саха сиригэр оҕо төрөөтөҕүнэ “100 сыл оҕото” диэн тус сыаллаах көмө харчы бэриллэр. Ыалга хаһыс оҕо төрөөбүтүттэн тутулуга суох. Ити хапытаалы 5 сылга диэри уһаппыттара, суумата сыл аайы эбиллэ турар.
