Алтынньы 1 күнүгэр 2-с №-дээх Өрөспүүбүлүкэ балыыһатыгар – суһал мэдэссиинэ Киинигэр Черноградская Нина Кирилловна сырдык кэриэһигэр мемориальнай дуоска аһыллыытын үөрүүлээх тэрээһинэ буолан ааста.
Нина Кирилловна ХХ үйэ доруобуйа харыстабылын уһулуччулаах личноһа, сырдык киһи, эндокринологическай сулууспаны тэрийээччи, ЯАССР үтүөлээх бырааһа, «Гражданская доблесть» знак кавалера, «Бочуот кинигэтигэр» киирбит сүдү быраас.
Үөрүүлээх тэрээһиҥҥэ аймахтара, бииргэ үлээбит дьоно, балыыһа кылаабынай бырааһа Борис Андреев, СӨ дорубуйа харыстабылын министиэристибэтин бэрэстэбиитэллэрэ кыттыыны ыллылар. Сырдык киһи туһунан сылаас этиилэр, балыыһа администрациятыгар махтал тыллар этилиннилэр.
Тэрээһин бүтүүтэ Нина Кирилловна сырдык кэриэһигэр сибэкки дьөрбөтүн уурдулар.
