Киир

Киир

“Дьокуускай” норуоттар икки ардыларынааҕы аэропордугар уларытыы чэрчитинэн, аэропорт уораҕайыгар саҥа аат уонна логотип бэлиэтэ турда. Бу туһунан аэропорт пресс-сулууспата иһитиннэрэр.

 “Дьокуускай” аэропорда алтынньы 27 күнүттэн ыла саҥа ааты чиҥник сүгэн үлэлиирин саҕалаабытын туһунан киэн тутта иһитиннэрэр. Ол курдук, бу күнтэн ыла “Дьокуускай” норуоттар икки ардыларынааҕы аэропорда Былатыан Ойуунускай аатын сүгэр”, - диэн иһитиннэрэллэр.

Аэропорт саҥа логотибыгар олоҥхоттон ылыллыбыт үс төбөлөөх хотой турбут. Уруккуттан аэропорт бэлиэтинэн хотой кыыл буолара, инньэ гынан, саҥа логотипка дизайнердар ону учуотаабыттар. Маныаха дизайнердар Былатыан Ойуунускай айар үлэтин уонна саха култууратын киэҥник үөрэппиттэр. Хотой – саха ытык көтөрө, оттон Ойуунускай ити туһунан айымньыларыгар элбэхтэ суруйбута. Аэропорт дьиэтигэр хотой кыыл төбөтө баарын билэр буолуохтааххыт. Оттон үс төбөлөөх хотой көтөр аал турбиналарын санатар.

Аэропорт юридическэй докумуоннарыгар Былатыан Ойуунускай аатын сүгэрин туһунан уларытыылар киирбэттэр: устаап, лиссиэнсийэ, сэртипикээт уо.д.а. оннунан хаалар. Арай логотип, корпортаивнай дьүһүн, табличкалар, вывескалар, сувенирдар, официальнай саайт эҥин эрэ уларыйыахтара. Бу туһунан аэропорт правовой ыйытыыларга дириэктэрэ Афанасий Томтосов иһитиннэрэр. Сотору кэминэн аэропортка Былатыан Ойуунускайга аналлаах экспозиция баар буолуоҕа.

Тарҕат:

Санааҕын суруй

Бүтэһик сонуннар