Киир

Киир

Бэс ыйын 1-10 күннэригэр “Кыым” норуот хаһыатыгар уонна “Ситим” медиа-бөлөх бары таһаарыыларыгар чэпчэтиилээх сурутуу биллэриллэн турар.

Ийэбит үүтүн кытта тэҥинэн иҥэриммит төрөөбүт төрүт тылбытынан – сахалыы саймаархай тылынан тахсар, эүиил үбүлүөйдээх сүүс сылын бэлиэтиэхтээх “Кыым” хаһыаппытын өйөөн да туран, бары хайаан да сурутуоҕуҥ!

Эбэлэрбит-эһэлэрбит уоттаах сэрии да сылларыгар атас-доҕор оҥостубут бастыҥ хаһыаттара хамсык туһуттан ахсаан өттүнэн аҕыйаабатын ситиһиэҕиҥ!Сойбот сонуннаах, элбэх этэрдээх “Кыым” хаһыаппыт өрүү да буоларын курдук төрүт култуурабытын ырыабытын-тойукпутун, үтүө үгэстэрбитин өрүү да үйэттэ туруохтун! “Кыымҥа” сурутуҥ, сахалыы тылбыт ахсыыры-аҕыйыыры билбэккэ салгыы айда турарыгар кыттыҥ! Аан дойдуга, Арассыыйаҕа, Саха сиригэр буола турары барытын билэ-истэ олоруҥ! Ким “Кыымнаах” – ол оһоҕо кыымнаах!

“Кыым” эрэллээх ааҕааччыллара тапталлаах хаһыаттарын хоһооҥҥо хоһуйан, ырыаҕа ыллаан күүскэ күүс эбэллэр. Кинилэргэ барҕа махтал!

Дьэ буолла сэргэхсийии,

Сонун-нуомас үллэстии!

Буоста дьиэҕэ суккуллуу,

Хаһыат, сурук түҥэттии

Мин даҕаны таарыйдым,

Ирээппэр син тигистим.

“Уйбаанабына”, ‒ диэннэр

Убаастаан ыҥырдылар

Ол кэннэ, көтөҕүнэн,

Уйбат хаһыат туттаран:

“Сонунна аах”, ‒ диэтилэр,

Үөрэ-көтө хааллылар.

Дьиэбэр соһон дьэ тиийдим

Соммун устан элиттим!

Олох маска олордум,

“Кыыммын” тута бэрийдим.

Балаҕан ыйа, алтынньы,

Сэтинньи, онтон ахсынньы...

Абытай элбэх сонуннар,

Ыбылы симсэн кэлбиттэр.

Хантан ааҕыах бэйэбиний,

Дьэ, туохха суолта биэриэмий?

Кыстыкка киириини диэхпин,

Кыһын ырааппыт ортолоон.

Ааспыта эбээт туһата:

Моркуоп-иркиэп ырысыаба,

Алтынньы ыйбыт билгэтэ,

Байанай ыйын алгыһа.

Сойбуттара ырааппыт

Аан дойду сонуннара.

Буонус эрэ, туох эрэ ‒

Эрэкэлээмэ уурайбыт.

Ааҕыам, арай, Бутукайы ‒

Имэҥи, арааһынайы,

Сирэй, харах оҥостуутун,

Өтөх, хоспох абааһытын.

Өрө-таҥнары бэрийэн,

Сонуну илдьи булкуйуом.

Сыл аҥаарынан хойутаан,

Соһо сылдьан саамылыам.

Онтон эмиэ сурутуом,

Алта ыйы кэтэһиэм,

“Кыыммын” тутан дьоллонуом,

Кур сонуну сыымайдыам.

Таптал ЧАГДА.

Кэбээйи.

P.S. Бу хоһоону Арассыыйа почтатын Саха сиринээҕи салаатын салалтата уонна бары үлэһиттэрэ ааҕыах тустаахтар.

Киһи дьиэҕэ иллэҥ олорор кэмигэр туох эрэ туһалааҕынан дьарыктана, үөрэнэ, билиитин-көрүүтүн хаҥата, саҥа технологиялары баһылыы олоруохтаах. Онон сибээстээн, саҥа инновация ньымаларын баһылыы таарыйа, оҕолоргутун-сиэннэргитин көмөлөһүннэрэн, хаһыаты-сурунаалы электроннай ньыма көмөтүнэн сурутарга үөрэниэххитин сөп. Кэлии-барыы харгыстаммыт, уустугурбут кэмигэр, “КЫЫМ”, “СПОРТ ЯКУТИИ” хаһыаттары, “БАЙДАМ”, “КҮРҮЛГЭН”, “БЭЛЭМ БУОЛ+”, “ХАТАН” сурунааллары-хаһыаттары дьиэҕититтэн тахсыбакка олорон саайтынан, мобильнай сыһыарыынан сурутуоххутун сөп.

Хайдах сурутары быһаарабыт:

PODPISKA.POCHTA.RU саайт нөҥүө

Бастатан туран, PODPISKA.POCHTA.RU саайка киир.

1. Сурутуоххун баҕарар хаһыаккын уонна сурунаалгын тал (5 000 араас таһаарыы баар):

– индексинэн;

– тиэмэнэн эбэтэр интэриэһинэн;

– алпаабытынан;

– аатынан;

– биллэр-көстөр таһаарыылар испииһэктэриттэн;

(көрдүүр строкаҕа “Кыым” диэтэххинэ, тута тахсан кэлэр)

2. Тиэрдии ньыматын талаҕын (аадырыска диэри/почтаттан ылыы).

3. Дааннайгын суруйаҕын: аадырыһыҥ, аатыҥ-суолуҥ.

4. Сурутар болдьоххун талаҕын (холобур, 6 ый).

5. Саайка регистрацияланаҕын.

6. Сакааскын төлүүгүн.

“ПОЧТА РОССИИ”

мобильнай сыһыарыы көмөтүнэн

1. “Плей маркеттан” төлөпүөҥҥэ “Почта России” диэн мобильнай сыһыарыыны хачайдаа.

2. Сыһыарыыга киир.

3. Уҥа өттүгэр аллараа муннукка “Еще” диэни баттаа.

4. “Подписка на журналы и газеты” диэн строканы баттаа.

5. Сурутуоххун баҕарар хаһыаккын уонна сурунаалгын тал (5 000 араас таһаарыы баар):

– индексинэн;

– тиэмэнэн эбэтэр интэриэһинэн;

– алпаабытынан;

– аатынан;

– биллэр-көстөр таһаарыылар испииһэктэриттэн;

(көрдүүр строкаҕа “Кыым” диэтэххинэ тута тахсан кэлэр)

6. Тиэрдии ньыматын тал (аадырыска диэри/почтаттан ылыы).

7. Дааннайгын суруй: аадырыскыт, ааккыт-суолгут.

8. Сурутар болдьоххун тал (холобур, 6 ый)

9. Саайка регистрациялан

10. Сакааһы төлөө.

“КЫЫМЫ” – мобильнай баанынан!

“Ситим” таһаарыыларыгар мобильнай баанынан эмиэ сурутуоххун сөп. Дьиэҕиттэн тахсыбакка олорон хаһыаты сурутуоххун баҕардаххына, 8 924-563-65-88 эрийэн сиһилии билис!

Ыйан-кэрдэн, сүбэлээн биэриэхтэрэ.

Күндү ааҕааччыларбыт! Хаһыаты ааҕар, сурутуон баҕарар, ол эрээри интэриниэти туһанары ыарырҕатар, сатаабат аҕа саастаах төрөппүттэргитигэр, ыалларгытыгар, аймах-билэ дьоҥҥутугар “Кыымы” мобильнай сыһыарыынан, саайтынан сурутан биэриҥ.

Тарҕат:

Санааҕын суруй

Бүтэһик сонуннар