Бырабыыталыстыба бэрэссэдээтэлэ Евгений Чекин Хаҥалас улууһун баһылыгар Гаврил Алексеевка көрсүһүү кэмигэр Покровскай куоракка судаарыстыба-чааһынай дьон кыттыһан (ГЧП) 240 миэстэлээх оҕо уһуйаанын туталларыгар этии киллэрдэ.
Күн бүгүн Покровскайга 98 миэстэлээх оҕо саадын тутуу былааннанар. Ол гынан баран, уочаракка 167 оҕо турар. Инньэ гынан, улуус баһылыга боппуруоһу быһаарарга 240 миэстэлээх оҕо саадын тутарга эттэ. Билигин Покровскайга 10 тыһ. киһи олорор, 4 дьыссаат үлэлиир.
2022 сылга диэри өрөспүүбүлүкэҕэ тутуу тэтимнээхтик барыахтаах. Билигин ГЧПнан тутуу олус тэнийдэ. Инньэ гынан, Евгений Чекин Покровскайга 240 миэстэлээх оҕо садын тутууну ГЧП (государственно-частное партнерство) ньыматынан туталларыгар этии киллэрдэ.
Маны таһынан көрсүһүүгэ улуус сааскы халааҥҥа хайдах бэлэмнээх олороллорун ырытыстылар. Баһылык Алексеев быйыл улууска Өлүөнэ мууһа олус халыҥын, сорох сирдэргэ 165-170 см тиийэрин эттэ. Онон, быйыл халаан уутун ылыыта улаханнык саарбахтаммат. Билигин улууска ууга барыан сөптөөх дьиэлэри страховкалааһыҥҥа, пааспардааһыҥҥа үлэ ыытыллар
