Киир

Киир

 

2021 сыллаахха Өлүөхүмэ улууһугар Олоҥхо Ыһыаҕын уонна Дьокуускай куоракка Туйамаада Ыһыаҕын тэрийии сайын хамсык Саха сиригэр хайдах балаһыанньалааҕыттан көрөн быһаарыахтара, диэн иһитиннэрэр өрөспүүбүлүкэтээҕи Култуура министиэриистибэтин пресс-сулууспата.

Билиҥҥи кэмҥэ, эрдэттэн тэрээһини көһөрөр туһунан боппруос көрүллүбэт, диэн бэлиэтээтэ эрэгийиэн култууратын министирин солбуйааччы Владислав Левочкин.

Олоҥхо Ыһыаҕын тэрийиитэ бэс ыйын 19 – 20 күннэригэр Өлүөүмэ улууһугар ыытыллара былааннанар, Туймаада Ыһыаҕа – бэс ыйын 26-27 күннэригэр Дьокуускайга.

Олоҥхо Ыһыаҕар Өлүөхүмэҕэ 5000 киһи кэлэрэ былааннанар. 3500 дьон ол ахсаантан – официальнай бөлөхтөр, делегациялар, култуурунай бырагыраамма тэрийээччилэрэ уонна кыттааччылара, олоҥхоһуттар, бочуоттаах ыалдьыттар уо.д.а.

Иһитиннэриигэ бэлиэтэнэринэн, кыттыахтаах дьон бары хамсыгы утары быһыы ылаллара – булгуччулаах ирдэбил. Ону таһынан 1500 кэриҥэ ыалдыт кэлэрэ күүтүллэр. Саха норуотун национальнай бырааһынньыгын чэрчитинэн 14 өрөспүүбүлүкэтээҕи куонкурус уонна успуорт күрэҕэ буолара кэтэһиллэр.

Тарҕат:

Санааҕын суруй

Бүтэһик сонуннар