Киир

Киир

Хамсыгы утары охсуһар өрөспүүбүлүкэтээҕи суһал ыстаап хааччахтыыр миэрэлэри бэс ыйын 25 күнүгэр диэр уһатарга диэн, Саха Сирин аҕа баһылыга Айсен Николаев уурааҕын киэҥ эйгэҕэ таһаарда. Уураах олоххо бэс ыйын 16 күнүттэн киириэҕэ. Бу иннинэ хамсыгынан сибээстээн хааччахтыыр миэрэлэр бэс ыйын 15 күнүгэр диэри дьайан турбуттара.

Саҥа көрүҥ хааччах уураахха эбиллибэтэх. Санатар эбит буоллахха, бу иннинэ ыам ыйыгар өрөспүүбүлүкэ үрдүнэн дискотекалары уонна онтон да атын аралдьытар, спортивнай тэрээһиннэри, итиэннэ пааркаларга, туризм базаларыгар тэрээһиннэри ыытыы бобуулаах этэ.

Эрэстэрээннэр, кафелар, аһылыгынан хааччыйыы тэрилтэлэрин үлэлэрин эрэсиимэ түүн 12 чааска диэри буолбутунан хаалар. Уонтан тахса элбэх киһи банкеттыыра көҥүлэммэт. Уон киһи иһинэн банкет буолар да буоллаҕына, киэһэ 22 чааска эрэ диэри буолара көҥүллэнэр.

Үлэ биэрэр дьон үлэһиттэрин маасканан уонна респираторынан булгуччу хааччыйыахтаахтар, чуолаан күргүөмнээх тэрээһиннэргэ. Хайаан да үлэ миэстэтигэр дезинфекция оҥоһуллуохтаах. Бүддьүөт тэрилтэлэригэр сүбэ бэрилиннэ, үлэһиттэрин 50 %-нын ыраахтан үлэ көрүҥэр ыытарга.

Гражданнар туох баар уопсастыбыннай тырааныспар көрүҥэр, таксыы буоллун оптуобус буоллун, мааска кэтэр эрэсиими кичэллээхтик тутуһуохтаахтар, ону таһынан атыы-эргиэн, өҥө оҥорор уонна да атын уопсастыбыннай миэстэлэргэ.

Тарҕат:

Санааҕын суруй