Киир

Киир

Бурятия бары тэрилтэлэрэ, олоххо тыын суолталаах тэрилтэлэртэн ураты бэс ыйын 27 күнүттэн от ыйын 11 күнүгэр диэри үлэлэрин тохтотуохтаахтар, диэн иһитиннэрдэ эрэгийиэннээҕи суһал ыстаап.

Бу кэм тухары өрөспүүбүлүкэҕэ үлэлээбэт күннэр эрэсиимнэрэ биллэрилиннэ. Бурятия, Арассыыйаҕа бастакынан кытаанах хааччахтары киллэрдэ, хамсык үһүс долгуна кэлэн.

«Бу хааччахтар сыаллара – бэһис нэдиэлэтин көнөн испэт хамсык балаһыанньатын тосту уларытар туһуттан», - диэн тиэрдэр ТАСС суһал ыстаап иһитиннэриитин.

Эрэгийиэҥҥэ бары тэрилтэлэр үлэлэрэ тохтуур, салгыы ааҕыллыбыттартан ураты:

  • ОДЬКХ сулууспалара
  • Аптекалар уонна бородуукта маҕаһыыннара
  • Бастакы суолталаах табаардары атыылыыр маҕаһыыннар
  • Уопсастыбыннай тырааныспар
  • Көрдөрөр-иһитиннэрэр эйгэ

14 саастарыгар диэри оҕолор уулуссаҕа улахан дьон эрэ арыалдьыттаах тахсаллара көҥүллэнэр, маассабай сынньалаҥ сирдэригэр киирии хааччахтанар, диэн иһитинэрэр Бурятия бырабыытылыстыбатын пресс-сулууспата. Бурятия аҕа баһылыгын Алексей Цыденов уурааҕа бэс ыйын 24 күнүгэр тахсыаҕа

Хамсык Бурятия 42 177 киһитигэр булулубута, бүтэһик сууккаҕа – 255 киһиэхэ, диэн иһитиннэрэр федеральнай суһалы ыстаап. Суорума суолламмыттар ахсааннара 1071 киһи буолла.

Тарҕат:

Санааҕын суруй

Бүтэһик сонуннар