Киир

Киир

 

Норуот дьокутаата, «Колми» ХЭТ салайааччыта Наталия Румянцева, Саха сиригэр умайа турар ойуур баһаардарын утары охсуһууга бэйэтин үтүө санаатынан көмө оҥордо. Өрөспүүбүлүкэтээҕи Уопсастыбыннай уоту утары охсуһар ыстаап иһинэн үгүс үлэни ыытта.

Парламентарий Наталия Румянцева тиэрдэринэн, «Колми» ХЭТ, Нам улууһугар, бэйэлэрин үтүө санааларын өртүнэн уоту утары охсуһа барааччыларга, «Газель» микроавтобус уларыста. Массыына, баһаар буоларын тухары, улуус Биир Кэлим Диспетчерскай Сулууспатын бас билиитигэр сылдьыаҕа, дьону эвакуациялыырга уонна баһаары умуллара барар дьону тиэйэргэ көмөлөһүөҕэ.

Ону таһынан, норуот дьокутаата улууска көмө быһыытынан бензинынан эстэр эрбиилэри уонна эрбиигэ сыаптарын ыытта. Ону таһынан, Наталия Румянцева аатыттан, улуус дьаһалтатын усчуотугар уоту утары охсуһууга ананан – 50 тыһ. харчы ыытылынна. Таастаах уонна Көбөкөн нэһилиэктэрин олохтоох дьаһалталарыгар, хас биирдиилэригэр – 50-нуу тыһ. солкуобай ананна.

235551791 511723159924229 7038515915259637680 n

Итиэннэ, Колми» ХЭТ салайааччыта тиэрдэринэн, Өрөспүүбүлүкэтээҕи волонтердар ыстааптарыттан хомуллан, Фрунзе уонна Көбөкөн нэһилиэктэригэр бэйэлэрин үтүө баҕаларынан таҕыстылар -- ЛОРП уонна Опера уонна Балет тыйаатырын үлэһиттэрэ. Барыларыгар куттала суох сылдьыы туһунан булгуччулаах инструктаж билиһиннэрдилэр.

Норуот дьокутаата иһитиннэрэринэн, ыстаапка билигин, бырамыысылыннас тэрилтэлэрин кытта ыкса үлэ бара турар, Саха сиригэр буола турар ойуур баһаардарыгар төһүү күүс-көмө оҥороллорун курдук.

Наталия Румянцева биллэрэринэн, Нам улууһун сиригэр-уотугар бүгүҥҥү күн туругунан 5 ойуур баһаара умайан күдэчпчилэнэ турар, Таастаах, Фрунзе, Көбөкөн уонна Салбаҥ нэһилиэктэригэр балаһыанньа өссө да уустук.

Ил Түмэн пресс-сулууспата

 

Тарҕат:

Санааҕын суруй

Бүтэһик сонуннар