Киир

Киир

РФ Бырабыыталыстыбата таһаарбыт 215-с №-дээх сөмөлүөтүнэн көтүүгэ субсидияны көрүүгэ үбү элбэтэр туһунан ыйааҕар олоҕуран, "Якутия" авиахампаанньа алтынньы 12 күнүттэн бу сыл бүтүөр дылы чэпчэтиилээх билиэттэри атыыга таһаарда. Биллэн турар, билиэт ахсаана хааччахтаах. Бу туһунан авиахмпаанньа пресс-сулууспата иһитиннэрэр.

Көтүү болдьоҕо: алтынньы 12 күнүттэн бу сыл ахсынньы 31 күнүгэр дылы.

Чэпчэтиилээх сыананан маннык дьон туһаныахтарын сөп:

·       22 сааһыгар дылы ыччат;

·       55 саастарын ааспыт дьахталлар;

·       60 саастарын ааспыт эр дьон;

·       1 группалаах инбэлииттэр уонна кинилэри арыаллыыр дьон;

·       2-с уонна 3-с группалаах оҕо эрдэхтэриттэн инбэлииттэр;

·       инбэлиит оҕолору арыаллааччылар;

·       докумуонунан бигэргэммит элбэх оҕолоох дьиэ кэргэн чилиэттэрэ.

Субсидиялаах билиэттэр сыаналара:

Дьокуускай — Благовещенскай — 2000 солк.

Дьокуускай – Владивосток – 6400 солк.

Дьокуускай – Екатеринбург – 6000 солк.

Дьокуускай – Иркутскай – 2500 солк.

Дьокуускай – Красноярскай – 5500 солк.

Дьокуускай— Минеральные Воды – 7600 солк. (быһа уонна трансфертаах эриэйсэ)

Дьокуускай – Москуба – 7000 солк.

Дьокуускай – Новосибирскай – 5500 солк.

Дьокуускай – Санкт-Петербург – 7000 солк.

Дьокуускай — Симферополь – 8000 солк. (быһа/трансфердаах эриэйсэ). ⠀

Дьокуускай – Сочи – 7800 солк. (быһа/трансфердаах эриэйсэ). ⠀

Дьокуускай – Хабаровскай — 2500 солк.

Дьокуускай — Южно-Сахалинскай — 2500 солк. ⠀

Нерюнгри – Москуба – 7100 солк. (быһа/трансфердаах эриэйсэ). ⠀

Нерюнгри – Новосибирскай – 6000 солк. ⠀

Нерюнгри – Симферополь – 8000 солк. (трансфердаах эриэйсэ).

Певек — Москуба — 9000 солк.

Калининград — Москуба — 3800 солк.

Тарыып биир хайысхаҕа ыйыллыбыт, агеннар хомуйууларын киллэрбэккэ туран.

2 саастаах оҕолор (туспа миэстэни биэрбэккэ туран) босхо, оттон 212 саастаах оҕолор (миэстэни биэрэн туран)  тарыыптан 25% төлүүллэр.

Босхо таһаҕас 20 кг дылы, илии тутуура - 10 кг.

Билиэттэри чэпчэтиилэри туһанаргытын бигэргэтэр докумуоннаах авиакассаттан эрэ ылыаххытын сөп.

Оттон Уһук Илин олохтоохторо бары субсидияннан туһаналларыгар сыһыаннаах иһитиннэрии эбии биллэриллиэҕэ диэн авиахампаанньа иһитиннэрэр.

 

Тарҕат:

Санааҕын суруй

Бүтэһик сонуннар