Арассыыйатааҕы Роспотребнадзор салайааччыта Анна Попова биллэрбитинэн, туох баар тымныйбыт-тумуулаабыт дьону хамсыкка чинчийэр буолуохтара.
Генетическай технологиялары сайыннарар мунньах кэмигэр Попова эттэ: “Кылаабынай судаарыстыбыннай саньытаарынай быраас бастанабылыанньатыгар олоҕуран уураах таҕыста. Мантан инньэ туох баар тымныйбыт-тумуулаабыт ыарыһахтары хамсык ыарыыга чинчийэр буолуохтара. Уодааһыннаах ыарыы салгыы бэргээбэтин, сэтэрээбэтин туһугар. Сотору кэминэн бары эрэгийиэннэргэ тиксэр экспресс-тиэстэри ыытыахтара. Мин бүк эрэнэбин, бу дьайыы ыарыыны түргэнник бастакы саҕаланыытыгар быһаарарга, уодьуганныырга, тутатына эмтииргэ улахан төһүү буолуоҕа”, – диэн Арассыыйатааҕы Роспотребнадзор салайааччыта түмүктээтэ .
Салайааччы бигэргэтэринэн, кэлэр сыл тохсунньу ыйыгар диэри үрдүк таһымнаахтык быһаарар тиэстэринэн ыарыыны бэйэлэригэр уорбалаан кэлбит дьону хааччыйарга сыал-сорук турар. Бу барыта - быраас суһаллык миэстэтигэр диагноз туруорарын ситиһэр сорук.
Попова чопчулуурунан, билиҥҥи кэм туругунан туох баар «контактаах» дьону чинчийэр киэҥ техническэй кыах суох. Кыһалҕа саас-сааһынан быһаарыллан иһэр. Билиҥҥи сүрүн сыал-сорук – ыарыы бэйэлэригэр сибикилээбит дьоҥҥо болҕомтону ууруу.