Чечня дьокутааттара “СМИгэ буруйу оҥорбут киһи (преступник) омугун аатын этиллиэ суохтаах, буруйдаах омугун аатын этэн уопсастыбаҕа бу норуот туһунан уопсай куһаҕан өйдөбүл, сыһыан үөскэтиллэр” диэн хабааннаах сокуон барылын оҥорон Госдумаҕа “хаамтара” сатыыллар.
Ону Арассыыйа СМИлэрэ, РФ Суруналыыстарын сойууһа “буруйдаах кимин-тугун кистээһин – бэчээт көҥүлүн хааччахтыыр” диэн утараллар.
Онтон кыйаханан Чечня баһылыга Р.Кадыров “инньэ диир буоллаххытына, мантан антах буруйу оҥорбут дьон омуктарын СМИгэ хайаан да, булгуччу ааттыыр бэрээдэги киллэриэҕиҥ. Дьэ оччоҕуна көрүөхпүт, ким ордук элбэхтик буруйу оҥорорун, сокуону кэһэрин: нуучча, башкир, казак, татаар, дьэбириэй, бүрээт, саха...” диэмэхтиир.
