Киир

Киир

Саха сирин Култуураҕа уонна духуобунай сайдыыга министиэристибэтин пресс-сулууспата иһитиннэрэринэн, Дьокуускайга тохсунньу 18 күнүттэн 23 күнүгэр диэри, оҕолорго аналлаах култуура тэрээһиннэрин ыытыы тохтоото. Ол курдук, испэктээхтэри, сэргэхситэр тэрээһиннэри, экскурсиялары, оскуола оҕолоро кыттыылаах туруоруулары боптулар.

«Хамсык утары Дьокуускайдааҕы саньытаарынай хамыыһыйа боротокуолун толорон, сүрүн саньытаарынай быраас этиитинэн, Дьокуускайга уонна куорат кытыытыгар оҕо үөрэнэр тэрилтэлэрин үлэтин тохтотор туһунан быһаарыныы ылылынна. Бары оҕо испэктээхтэрин уонна даҕаны атын тэрээһиннэрин «онлайн» көһөрүү туһунан этилиннэ. Эрдэ атыылаһыллыбыт, маны таһынан, «Пушкин каартатынан» ылыллыбыт билиэттэри тэрилтэлэр каассаларыгар төнүннэриэххитин сөп», - диэн СӨ култуураҕа уонна духуобунай сайдыыга миниистирин солбуйааччы Владислав Левочкин эттэ.

Тарҕат:

Санааҕын суруй

Бүтэһик сонуннар