Киир

Киир

Саха сирин суһал ыстаабын киинэ иһитиннэрэринэн, тохсунньу 25 күнүнээҕи туругунан, саҥа хоруона вируһунан 1525 сутуллуу баара билиннэ. Бу – хамсык саҕаланыаҕыттан хаһааҥҥытааҕар даҕаны өссө биир муҥутуур элбэх көрдөрүү! Бу иннинээҕи күн 1211 этэ.

- Дьокуускайга – 1250 киһи,

- Мэҥэ-Хаҥаласка – 92,

- Үөһээ Бүлүүгэ – 42,

- Алдаҥҥа – 32,

- Намҥа – 25,

-Тааттаҕа – 17,

- Томпоҕо – 10,

- Уус Алдаҥҥа – 10,

- Мииринэйгэ – 6,

- Ньурбаҕа, Сунтаарга, Уус Майдаҕа, Хаҥаласка – 5,

- Аммаҕа – 4,

- Үөһээ Дьааҥыга, Бүлүүгэ, Горнайга, Кэбээйигэ – 2,

- Нерюнгрига – 1.

Суукка иһигэр өрөспүүбүлүкэ лабаратыарыйаларыгар 5312 хоруона вируһун булууга чинчийии буолбут. Хамсык саҕаланыаҕыттан 1 891 145 тиэст оҥоһуллубут.

Ааспыт сууккаҕа, өрөспүүбүлүкэ стационардарыгар 135 киһи киирбит, олортон Дьокуускайга 89, оройуоннарга 46 киһи сытар. Барыта холбоон 53 ыарахан туруктаах ыарыһах баара биллэр. Оттон реанимацияларга олус ыарахан туруктаах аылдьа сытар киһи ахсаана 13, бу дьон бары быһыыны ылбатахтар эбит.

stopcovid19.sakha.gov.ru саайт бигэргэтэринэн, Дьокуускайга балыыһаҕа сытан эмтэнээччи ахсаана 1621.

Тарҕат:

Санааҕын суруй