Ил Дархан Айсен Николаев Саха сирин олохтоохторун Сурук-бичик уонна ийэ тыл күнүнэн эҕэрдэлээтэ.
“Төрөөбүт төрүт тыл тугунан да сыаналаммат ийэбит үүтүн кытары кэлбит сүдү баайбыт. Тыл сүмэтигэр өбүгэлэрбит духуобунай нэһилиэстибэлэрэ уонна үйэлэргэ муспут муудараһа түмүллэ сылдьар. Тыл төрөөбүт дойдуну кытары быыстала суох сибээстээх,ол биһигини түмэр күүстээх. Дойдуга бэриниилээх буолууну иҥэрэргэ, иитэргэ төрөөбүт тылга тапталтан, баай култуурабытыгар уонна үгэспитигэр сүгүрүйүүттэн саҕыллар”, - диэн Ил Дархан бэлиэтиир. Кини этэринэн, өрөспүүбүлүкэ салалтата тыл сайдыытыгар улахан болҕомтону уурар. Бүгүн,олунньу 13 күнүгэр, Дьокуускайга 15 томнаах, 80 тыһ. тыллаах Саха тылын улахан быһаарыылаах тылдьытын сүрэхтиэхтэрэ. Маны таһынан, “Илкэн” диэн хотугу аҕыйахахсааннаах норуоттар тылларынан норуоттар икки ардыларынааҕы мультимедийнай порталы сүрэхтиэхтэрэ.
