Бу саас СӨ ИДьМ миниистирин солбуйааччы полковник В.Климов Арассыыйа ИДьМ-ын оройуоннар таһымнарыгар баар уорганнарын начаалынньыктарыгар ыыппыт суруга тарҕаммыта уонна уопсастыбаҕа улахан араллааны таһаарбыта. Онно улуустар полицияларыгар Арассыыйа ИДьМ-ын дуогабар-быраап департаменын 2019 с. балаҕан ыйын 5 к. 1/3-3994№ быһаарыыта төһө да баарын үрдүнэн, сорох тыа ИДьМын уорганнарыгар процессуальнай матырыйааллары сахалыы, РФ судаарыстыбаннай нуучча тылыгар тылбааһа суох ыыта олороллоро буойулларын туһунан этиллибитэ. http://kyym.ru/sonunnar/obshchestvo/6850-sakha-tyla-suut-sokuon-ejgetiger-khaalya-duo
Муус устар 23 күнүгэр “Ил Түмэн” хаһыат көҕүлээһининэн, “Саха Өрөспүүбүлүкэтигэр судаарыстыбаннай тыллар туттуллар эйгэлэрин билиҥҥи туруга уонна ону кэҥэтии тирээн турар боппуруостара” диэн төгүрүк остуол буолан ааспыта, онно ити үөһэ ыйыллыбыт Климов суругун тула туспа кэпсэтии тахсыбыта.
Суругу дьүүллэһии кэнниттэн, Төгүрүк остуол резолюциятыгар бу бирикээһи көтүттэрэргэ диэн пуун киирбитэ. Ону норуот дьокутаата Мария Христофорова өрөспүүбүлүкэ Ис Дьыалаҕа миниистиригэр Владимир Прокопенкоҕа туһаайан ыыппыта.
Бүгүн, бэс ыйын 3 күнүгэр дьокутаакка миниистир эппиэтэ кэллэ. Онно кини В.А.Климов кулун тутар 24 күнүгэр таһаарбыт ити айдааннаах бирикээһин ыам ыйын 26 күнүттэн көтүрүллүбүтүн, күүһэ сүппүтүн туһунан этэр.
