Михаил Чуйко диэн реаниматолог-быраас хоруона вируһун омикрон-штамынан ыалдьан баран, “бу ыарыыны сиһилии билбит киһи быһыытынан”, санаатын маннык үллэстэр.
“Бу ыарыы хоруона вируһун букатын атыҥ көрүҥэ эбит. Урукку хоруонаҕа туга да майгыннаабат, атын ыарыы курдук. Бастатан туран, инкубациятын кэмэ наһаа кылгас – 1-3 күн. Ыарыы бастаан тымныйыы, тумуу курдук киирэр. Сөтөл үтүөрэн эрдэххинэ эрэ кэлэр. Киһи сыты уонна амтаны билэр дьоҕура сүппэт. Кимнээх эрэ күөмэйдэрэ бүтэн куоластара уларыйыан сөп. Киһи тэмпэрэтиирэтэ, муҥутаан, 2-3 күн эрэ өрө тахсыан сөп (муҥутаан 38-ка тиийэ), үгүстэргэ ол симптом букатын да суох. Бу штамм олус сыстыганнаах”, – диир.
Гамаелея аатынан билим чинчийэр киинин сүрүн исписэлииһэ А.Альштейн “олунньу саҕаланыытыгар Арассыыйаҕа омикрон штамм хаптайан барыа. Онно ханнык да быһыы-вакцина буолбакка, вирус бэйэтэ көнньүнэн мөлтөөбүтэ, кыаҕа эстибитэ сүрүн оруолу оонньуо” диир.
