Киир

Киир

Мииринэй улууһун Таас- Үрэх бөһүөлэгиттэн баара-суоҕа уон биэрэстэлээх эрэ сиргэ – Билир уонна Кудулаах икки ардыларыгар улахан ойуур баһаара турда. Ардаабатаҕа ырааппыт буолан, тыа, үрүйэ-харыйа кубус-кураанахтар. От үрэхтэр кур лаҥхалара буорах курдук кытыасталлар.

Маны умуруорарга, оройуон бэйэтин күүһэ кыра буолан,   Чита Авиалесохранатын 14 киһилээх этэрээттэрэ суһаллык көмөҕө кэллэ.

Маныаха тэҥнээх кутталы, Таас-Үрэхтэн икки көс тэйиччи сытар Хаҥас Күөл тула турбут улахан уот үөскэтэр. Олохтоохтор баһаары утары сорунуулаахтык киирсэ сылдьаллар.

Даҕатан эттэххэ, олохтоох дьаһалтанан, сэлиэнньэ кыанар эр дьоно бары (оҕолор уонна кыаммат оҕонньоттор ахсааҥҥа киирбэттэр) ойуур баһаарын умуруорууга көмөҕө тардылыннылар.

Таас-Үрэххэ ниэп-гаас хостонор. Онон,ойуур баһаара бу диэки турара хас да бүк кутталлаах. Өрөспүүбүлүкэ экэниэмикэтигэр кытары охсуулаах буолуон сөп..

Манна, Орто-Ботуобуйатааҕы промышленностаах учаастакка: ниэп-гаас турбата, геологическай уонна хостуур скважиналар, Чайыҥдаҕа диэри барар гаас магистрала бааллар.

Онон, Таас-Үрэх баһаардарын, бүтүн өрөспүүбүлүкэнэн көмөлөөн саба баттааттахпытына эрэ уодьуганнныр кыахтаахпыт.

 

Станислав Алексеев

 

Мииринэй куората

 

“Zagonu.ru. 2010” саайтан фото.

 

 

Тарҕат:

Санааҕын суруй

Бүтэһик сонуннар