Киир

Киир

Бэҕэһээҥҥиттэн доруобуйам туруга арыый мөлтөөн, сөтөл киирэн, төбөм ыалдьан, били абааһы ыарыытыгар балыйан, анаалыс туттарарга сананным. Бүгүн "Өрөгөй" ("Триумф") успуорт комплексыгар, саҥа хоруона вируһун түргэнник быһаарар ПЦР анаалыһын туттара тиийдим.

WhatsApp Image 2022 02 02 at 14.34.11

"Өрөгөй" таһыгар, дьэ, массыына бөҕө турар эбит.

WhatsApp Image 2022 02 02 at 14.35.05

Киирэр ааҥҥа илиибин испииринэн ыстардылар, температурабын мээрэйдээтилэр уонна:" Түргэнник итиннэ баран тур, эйиигин ыҥырыахтара",- диэтилэр. Ыксалбар буолан, киирэр ааҥҥа турар үлэһити хаартыскаҕа түһэрбэтим. Чэ, ити хааллын. Киирээт, докумуону толорууга уочаракка турдум. Толору харысхаллаах таҥаһы, маасканы кэппит мэдиссиинэ үлэһитэ кэлбит дьон бэйэ-бэйэбититтэн тэйиччи турарбытын дьаһайда.

WhatsApp Image 2022 02 02 at 14.35.33

Субу курдук, дьону учуоттуур хас даҕаны туочука үлэлиир эбит.

WhatsApp Image 2022 02 02 at 14.35.53

Ыҥырбыттарыгар, тиийэн "согласие" толордум, илии баттаатым. Үлэһит киһи пааспарбын, СНИЛС-пын, мэдиссиинискэй полиспын бэлэмниирим туһунан эттэ.

WhatsApp Image 2022 02 02 at 14.36.07

Салгыы, анаалыһы туттара диэн, «кэтэһэр саалаҕа» аастым. Манна киириибэр, илиибин эмиэ антисептигынан ыстардылар, электроннай уочаратым кумааҕытын туттардылар.

WhatsApp Image 2022 02 02 at 14.36.21

Киһи элбэҕэ буолуо дии санаабытым, хата, маннык кураанах кэриэтэ «кэтэһэр саалаҕа» киирдим.

WhatsApp Image 2022 02 02 at 14.37.27

Экраҥҥа уочаратым чыыһылата тахсарын кылгастык кэтэстим.

WhatsApp Image 2022 02 02 at 14.38.16

Салгыы, бириэмэм кэлэн, гардероб оннугар үөдүйбүт миэстэҕэ анаалыс туттара тиийдим. Мэдиссиинэ үлэһитэ уһун синньигэс баалачканан муруммуттан анаалыс ылла. Онтукатын ампула курдук иһит түгэҕэр булкуйар курдук гынна.

WhatsApp Image 2022 02 02 at 14.38.33

Онтон, лабараан анаалыстаах баалачканы түргэнник быһаарар тэрилгэ (экспресс тиэскэ) аҕаата быһыылаах (өйдөөн да көрбөккө хааллым).

WhatsApp Image 2022 02 02 at 14.40.27

Онтон, анаалыстары туттарбыттары "Өрөгөй" улахан саалатыгар киллэрдилэр. Манна киирэрбитигэр, тимир хаххаларынан тулаламмыт синньигэс көрүдүөр курдугунан хаамтыбыт. «Тестеры илиигэр көнөтүк тутан киирээр», - диэбиттэрин иһин, эмиэ соло булбакка, киирэр сирбин хаартыскаҕа түһэрбэтим. Тэйиччинэн-чугаһынан тимир хаххалаах оҥоһуу көрүдүөр хас даҕаны баар эбит. Быһата, киһи бэйэ-бэйэтиттэн тэйиччи, мэһэйдэһиитэ суох сылдьарын бэркэ толкуйдаабыттар.

WhatsApp Image 2022 02 02 at 14.39.39

Дьэ, улахан саалаҕа киирэн баран, анаалыстаах тестербын туппутунан, 15 мүнүүтэ кэтэһэн олордум. Тас өттүгэр киһи аҕыйах эбит буоллаҕына, манна ыалдьыбытын суоҕун билиэн баҕалаах арыый элбэх буолан биэрдэ.

WhatsApp Image 2022 02 02 at 14.40.57

Уон биэс мүнүүтэм ааһа охсон, аллара түстүм. Үлэһит киһи ханнык остуолга барарбын ыйан-кэрдэн биэрдэ.

WhatsApp Image 2022 02 02 at 14.41.10

Дьэ, "һуу" диэххэ! Лабараан анаалыспын «үчүгэй» диэн быһаарда уонна:"ОРВИ-нан ыалдьыбыт дьон саалаларыгар ааһаҕыҥ", - диэтэ.

WhatsApp Image 2022 02 02 at 14.41.23

Субу остуоллар анараа өттүлэригэр турар аптамааттан уочараттыыр кумааҕыбын ыллым. Маныаха, биир анаммыт мэдиссиинэ үлэһитэ көмөлөстө.

WhatsApp Image 2022 02 02 at 14.41.45

Бу саала уҥа өттүнээҕи хайысхатыгар анаалыстара "+" буолбут дьон киирэр эбит. Тэйиччинэн ааһан иһэн, кистээн хаартыскаҕа түһэрдим.

WhatsApp Image 2022 02 02 at 14.41.56

Анаалыстара "-" дьон мэдиссиинэ үлэһиттэригэр тиийэллэр эбит.

WhatsApp Image 2022 02 02 at 14.43.14

Уочаратым тута кэлэ охсон, "4-с" нүөмэрдээх остуолга тиийдим. Медбыраат ханна үлэлиирбин, киммин-туохпун, аадырыспын туоһуласта, дабылыанньабын уонна хааммар кислоруоппун мээрэйдээтэ.

WhatsApp Image 2022 02 02 at 14.44.34

Ол кэнниттэн, субу маннык хабыыналартан биирдэстэригэр, терапевт-бырааска ыытта...
Манна түгэх, хахха буолбут тимирдэр анараа өттүлэригэр, анаалыстара куһаҕан, СOVID-19 ыарыhахтар көрдөрүнэр сирдэрэ көстөр.
 
WhatsApp Image 2022 02 02 at 14.44.48
 

Терапевт-быраас күөмэйбин көрдө, турукпун ыйыталаста, хаһааҥҥыттан ыалдьыбыппын туоһуласта уонна эмп ырысыабын суруйан биэрдэ.

WhatsApp Image 2022 02 02 at 14.45.03

Онтон, "ыалдьыбатахтарга" анаммыт сиринэн тахсан истэхпинэ, мэдиссиинэ үлэһитэ илиибин антисептигынан ыстарда.

WhatsApp Image 2022 02 02 at 14.46.01

"-" анаалыстаахтар үөрэ-көтө "Өрөгөй" биир кытыытынан таҕыстыбыт.

WhatsApp Image 2022 02 02 at 14.46.20

Ааһан иһэн, бэйэлэрин бэрэбиэркэлэнэ кэлбит дьону, үлэлии-хамныы сылдьар мэдиссиинэ үлэһиттэрин ыраахтан көрдүм. Уочаратынан ыҥырар "көмпүүтэр куолаһа" ыраахтан дуорааннанан иһиллэр...
"COVID-19" адьынаттаах ыарыы утары күүстээх үлэ бара турар! «Хара маҥнайгыттан маннык дьаһаммыппыт буоллар ньии!» - дии санаатым.
 
WhatsApp Image 2022 02 02 at 14.46.11
 

Доҕоттоор, ыалдьымаҥ, харыстаныҥ, эмтэниҥ уонна саҥа хоруона вируһун утары быһыыта ылыҥ!

Эрэпэртээһи бэлэмнээтэ Ираида Коркина-Чугдаара

Тарҕат:

Санааҕын суруй

Бүтэһик сонуннар