«Союз-2.1а» ракетаны «Илиҥҥи» космодромтан ыам ыйын 27 күнүгэр мск бириэмэтинэн 00:14:51 чааска көтүтүөхтэрэ. Көтүтүү траекторията Саха сирин соҕуруу уонна арҕаа өттүнэн ааһыаҕа. Ол эбэтэр, көтөр эбийиэк арахсар чаастара Алдан, Өлүөхүмэ, Бүлүү уонна Үөһээ Бүлүү улуустарыгар түһүөхтэрэ.
СӨ Быыһыыр сулууспата ааттаммыт улуустар олохтоохторун ойуурга тахсартан туттунуҥ, нэһилиэнньэлээх пуунтан ыраатымаҥ диэн ыҥырар, ыксаллаах быһыы-майгы тахсар түгэнигэр «112» нүөмэргэ эрийиҥ диэн сүбэлиир.
Маны сэргэ сулууспа ракета тобохторун түһэрии нэһилиэнньэҕэ уонна сиргэ-уокка куттала суох ааһарын хааччыйыахпыт, ону сэргэ атын биэдэмистибэлэри кытта экологияны чинчийэн көрүөхпүт диэн мэктиэлиир.
Сонун төрдө: СӨ Быыһыыр сулууспатын пресс-сулууспата
Хаартыска: "Илиҥҥи" космодром саайтыттан
