Арассыыйаҕа саҥа хоруона вируһунан ыалдыы кулун тутар саҕаланыыта аччыаҕа, ол эрээри, саас ыарыы саҥа долгуна күөдьүйүө. Субу маннык сабаҕалааһыны Роспотребнадзор Сомов аатынан НИИ эпидемиологиятын уонна микробиологиятын дириэктэрэ Михаил Щелканов этэр. Кини этиитин «Интерфакс» тиэрдэр.
«Кыһыҥҥы пик ааспытын кэнниттэн, кулун тутарга уонна муус устарга, араас климатическэй араҥаларга араастаан саҥа пик биллиэҕэ. Оттон сайын саҕаланыыта, биһиэхэ локальнай минимум буолуоҕа», - диэн Щелканов эппитин, Приморскай кыраай бырабыыталыстыбатын пресс-сулууспата сигэнэн этэр.
«Балаҕан ыйыгар, алтынньыга, сайыҥҥы сынньалаҥ кэнниттэн, бары тэрилтэлэр миэстэлэригэр кэлбиттэрин кэннэ, күһүҥҥү тумуу, тымныйыы улаатыаҕа», - диэн учуонай эппит.
Уһук Илин уокуругун эрэгийиэннэригэр ыалдьааччы ахсаана тохсунньуга, олунньу саҕаланыытыгар элбээн, маны таһынан, cаҥа «омикрон» ыстаамынан ыалдьыбыттар баар буоланнар, эбии миэрэлэр олохтоммуттара.
Дьэ, салгыы хайдах-туох буолан иһэбит?
