Хаһыат кулун тутар 10 күнүнээҕи нүөмэригэр:
Михаил Хазин көрүүтүнэн аан дойду олоҕо хайдах тосту уларыйыай?
Украинаҕа байыаннай эпэрээссийэ саҕаламмытын кэннэ үгүспүт аҕыйах хонуктааҕы урукку олохпут хайдах баарынан эргийбэтин өйдөөтүбүт. Михаил Хазин диэн 1998 с. дефолт кэлэрин өтө көрбүт экэнэмиис, көҥүл уопсастыбаннай деятель, публицист, блогер “Аан дойду либеральнай экэниэмикэтэ муҥур эстэр суолга киирбитэ ыраатта, биһигинэ да суох кэлиэхтээх кириисиһи арыый түргэтэттибит” диэн этэр. Кини көрүүтүнэн аан дойду олоҕо хайдах тосту уларыйыай?
Украинаҕа бактериологическай сэрии сэбин лабораторията
Биһиги байыаннайдарбыт АХШ Украинаҕа 30-ча кистэлэҥ байыаннай биологическай лабораторияҕа бактериологическай сэрии сэбин үөрэтэ сыппытын туттулар. Коронавируһу оҥорууга Трамп кытайдары буруйдуура, оттон ити вируһу бэйэлэрэ оҥорон тарҕаппатахтара буолуо дуо?
Денацификация диэн тугуй?
ССРС денацификацияны ыыппыт холобурдарын дипломат, устуоруйа билимин дуоктара Николай Платошкин кэпсиир. Бу туһунан бүгүҥҥү нүөмэр 4-5 балаһаларыгар Владимир Степанов суруйар.
Өрөбөлүүссүйэ Кэрэ Куота Муся Потапова
Саха сиригэр өрөбөлүүссүйэни олоххо киллэрсибит, Сэбиэт былааһын олохтоспут, Саха автономията тэриллэригэр сүрэхтэрин төлөнүн анаабыт дьон мөссүөнэ кэм-кэрдии аастаҕын аайы, улам умнулла быһыытыйар... Биһиги кинилэри “боруонса пааматынньык” эрэ курдук ылынар буоллубут. Оттон бу эдэр-тэбэр хааннаах, эдэркээн бэйэлээх дьон этилэр эбээт! Муся Потапова – кинилэртэн биирдэстэрэ. Кини туох төрүттээҕэй, хайдах эйгэҕэ иитиллибитэй, кимнээҕи кытта доҕордоспутай, өрөбөлүүссүйэ охсуһуутугар хайдах киирбитэй? Ол туһунан Нина Герасимова матырыйаалыгар ааҕыҥ.
“Салама - саха баар-суох харысхала”
''Кыым'' хаһыат саламаҕа рекорд олохтуурга туруммутун адьас өйүүбүн. Салама - саха баар-суох харысхала'' диир норуот маастара Варвара Тихонова. Маастардары уһуйааччыны кытта туоска үлэ, салама туһунан киэҥ кэпсэтиини хаһыат 13-с балаһатыгар ааҕыҥ.
Бастыҥ сүүрүгү кытта успуорду таарыйбакка эрэ кэпсэтии
Аан дойду кылаастаах успуорт маастара, Арассыыйа сүүмэрдэммит хамаандатын чилиэнэ Сардаана Трофимованы Саха сиригэр билбэт киһи диэн суох. Кини марафоҥҥа Арассыыйа биэс төгүллээх чөмпүйүөнэ (2015, 2018, 2019, 2020, 2021). Оттон бу нүөмэргэ суруналыыс Федор Рахлеев бастыҥ сүүрүгү кытта успуорт тиэмэтин таарыйбакка эрэ кэпсэттэ.
Сыана «бас баттах» баран эрэр...
Ас-үөл, эмп-томп, уматык... сыаната сыл аайы үрдүүрүгэр, дьинэ, үөрэммит дьон олоробут. Алҕаска даҕаны «бу ас сыаната икки бүк чэпчиир үһү» диэни иһиттэхпитинэ, өлөрүөхпүт да диэбиттэрин иһин итэҕэйбэппит. Ол эрээри бүтэһик күннэргэ сыана олус эмискэ өрө тэптэ, соһуйан-өмүрэн «бабат» эрэ дии түстүбүт. Украинаҕа анал байыаннай эпэрээссийэ саҕаланаатын кытта дуоллар, өвро кууруһа тута хамсаан барбыта. Ону иһиттибит эрэ, истибэтибит эрэ диэбиттии атыы-эргиэн кииннэрэ, маҕаһыыннар сыаналарын үрдэтэн саҕалаабыттара. Эмп-томп, бородуукта сыаната Дьокуускайга төһө үрдээтэ? Онтон улуустарбыт балаһыанньалара хайдаҕый?
Инстаграм, ватсап, чахчы арахсыахтара дуо?
Былырыын күһүн алтынньыга, бадаҕа, оптуорунньук кун этэ дуу, аан дойду урдунэн киэҥник тарҕаммыт социальнай ситимнэр - ватсап, инстаграм, фэйсбук - аҕыйах чаас арахсан ылбыттарыгар өрө аймана түспүппүт. Үөрэммиппит, убаммыппыт оччо буоллаҕа. Олунньу 25 күнүгэр «социальнай ситимнэр арахсаллар үһү» диэн үһү-тамах маҥнайгы сурахтар тарҕаммыттара. Сурах сураҕынан, оттон баар балаһыанньа атыны «туойар»: икки-үс күн ааспыта дуу, суоҕа дуу, социальнай ситимнэр үлэлэригэр маҥнайгы «сбойдар» саҕаламмыттара. Ватсап, инстаграм чахчы арахсыахтара дуо? Саха блогердара бу туһунан туох дии саныылларый?
Сокуон уонна быраап: кулун тутартан туох уларыйда?
Сокуон, нуорма-быраап аага эбиллиэн-көҕүрүөн, салгыы тупсарыллан биэриэн сөп. Урут түһэн эттэххэ, кулун тутардааҕы үгүс уларыйыы хамсаабат хапытаалга, сааҕа, тырааныспарга, үлэ сыһыаннаһыытыгар уо.д.а. сыһыаннаахтар. Дьэ, ол быһыытынан бу дьыл кулун тутарыттан туох уларыйыы сокуоннай күүһүгэр киирбитин суруналыыс Татьяна Захарова-Лоһуура үөрэттэ.
Саха сиригэр киинэ ырыынага хайдах буолуой?
Голливуд киинэтэ суох хаалларбыт да, бэйэбит режиссердарбыт устан таһаарбыт уу сахалыы киинэлэрин мантан саас, сайын сэргии көрүөхпүт. Иккилии нэдиэлэ буола-буола сахалыы киинэлэр улахан экирээҥҥэ тахсан иһиэхтэрэ. Маны тэҥэ Казахстан, Индия устуудьуйалара тахсар интэриэстээхтэр. Киинэ тыйаатырдара сабыллыбакка, хаачыстыбалаах киинэлэри таһаара туралларыгар көрөөччү көмөтө, өйөбүлэ ирдэнэр.
Куорат сахата тоҕо ситэ сайдыбатый?
Дьокуускай куоракка билигин 100-нэн тыһыынча саха киһитэ олорор. Ол эрээри, куорат сахатыттан тоҕо биир да биллиилээх өрөспүүбүлүкэ салайааччыта, уһулуччулаах артыыс, суруйааччы, учуонай, урбаанньыт, дьоруой, спортсмен уо.д.а. үөскээн тахсыбатый? Тоҕо тыа дьонуттан итэҕэс-быһаҕас буоларый, тоҕо сайдыбатый? Ол туһунан Уйбаан Пономарев анаарыытын ааҕыҥ.
Интэриниэт сонуна түргэн, хаһыат сонуна бэргэн!
