КАДЫРОВТЫЫН НОРУОТ СӨБҮЛЭҺЭР
Турцияҕа түмүктэммит Арассыыйа уонна Украина икки ардыларынааҕы уочараттаах кэпсэтии кэннэ дойду соцситимнэрэ, информацияҕа тэрилтэлэрэ “уҥан түһэ” сыстылар. Арассыыйа дэлэгээссийэтин салайааччытын В.Мединскэйи интервью биэрбит тылларын “таҥнарыы тахсан эрэр дуу” диэтилэр.
Оттон билигин инники кирбиигэ Мариупольга тиийэн, Чечня сэриилэрин салайа сылдьар Рамзан КАДЫРОВ В. Путинтан Украина билиҥҥи “тугу да салайар кыаҕын сүтэрбит салалтатын кытта биир остуолга олорон кэпсэтэр туһата суох, онон байыаннай эпэрээссийэни тохтотума уонна Киевы хайаан да ылыахха” диэн көрдөстө. Арассыыйа дьоно үксэ кинилиин сөбүлэстэ.
Украинаҕа ыытыллар байыаннай эпэрээссийэ билиҥҥи туругун туһунан Владимир Степанов ыстатыйатын ааҕыҥ.
ЕВГЕНИЙ ГРИГОРЬЕВ: «УУСТУК КЭМҤЭ БИИРГЭ БУОЛУОҔУҤ”
Евгений Николаевич Григорьев Дьокуускай куорат баһылыгынан талыллыбыта кулун тутар 29 күнүгэр сылын туолла. Биир сыл иһигэр эдэр киһи салайааччы быһыытынан үлэтигэр-хамнаһыгар балай эмэ тургутууну ааста: хоруона хамсыгын охсуутуттан саҕалаан дойдуга буола турар уустук быһыыга-майгыга тиийэ... Ким билиэ баарай, иннибитигэр түүһээн да баппатах уларыйыыларбыт тоһуйан турбуттарын. Баҕар, сорохтор “үлэни сыаналыырга сыл диэн кылгаһа бэрт” дэһэ түһүөххүт. Ол эрээри салайааччы хайдаҕа, кимэ-туга, төһө таһаарыылаах үлэлээх-хамнастаах буолара хара бастааҥҥыттан, өссө кыратык омуннаатахха, үлэлээбит маҥнайгы күнүттэн биллэр.
Евгений Николаевичтыын мээр быһыытынан биир сыллаах үлэтин тула суруналыыс Диана Клепандинаны кытта сэһэргэһиитин ааҕыҥ.
АЛРОСА САХА СИРИГЭР ТӨҺӨ ҮБҮ УГАРЫЙ?
Саха сирин күөллэрин, өрүстэрин көмүс хатырыктааҕынан байытарга «Алроса» хампаанньа хаһыс да сылын ылсан дьарыктанар. Дьэ, онно төһө үп-харчы көрүллэрин эһиэхэ билиһиннэрэбит. Уопсайынан, бырамыысыланнас тэрилтэлэриттэн айылҕа харыстабылыгар, алмаас хостоммут сирин чөлүгэр түһэриигэ үгүөрү үбү эмиэ «Алроса» угар. Экология бырагырааматын ылынан үлэлиир. Ол үбүлээһинэ төһөтүн, өссө ханнык бырайыактарга үлэлэһэрин "Чаҕыл" балаһа сырдатар. Ааҕыҥ, билсиҥ, сыаналааҥ.
МАС УОННА КЫТАЙ
Арассыыйа тыата кэрдиллэн, улахан аҥаара Кытайга тахса турар. КНР маһы тастан атыылаьыыга (импортка) бастакы миэстэҕэ сылдьар. Уһук Илин, Сибиир суугунуур күөх тыата аҕыйах сыл иһигэр кураанах сиргэ кубулуйда. Бу уобаластарга хас дэриэбинэ аайы кытай урбаанньыттарын пилорамалара үлэлии тураллар. Мас бырамыысыланнаһа барыстаах салаа эрээри, онтон биһиги дойдубут тугу туһанан олорор? Ол туһунан суруналыыс Нина Герасимова суруйуутун, Иркутскай уобалас биллэр уопсастыбанньыга Любовь Аликинаны кытта кэпсэтиитин ааҕыҥ.
МУУС УСТАР ЫЙ БИЛГЭТЭ УОННА БЭЛИЭ КҮННЭРЭ
Муус устардааҕы билгэни төһө билэҕиний, айылҕа көстүүтүн төһө сылыктаан көрөҕүнүй? Өбүгэлэрбит үгүс сыллар тухары кэтээн көрөн, торумнаан оҥорбут билгэлэрин "Хаппар" балаһа эһиэхэ санатар. Күлүү күнэ диэн хаһааҥҥыттан баар буолбутай? Оттон өрөспүүбүлүкэҕэ Аҕа күнэ, Булчут күнэ хас сыллаахха төрүттэммиттэрин өйдүүгүт? Бу уо. д. а. туһунан бу нэдиэлэтээҕи "Хаппарга" билсиҥ.
«КИИРБЭТ КҮННЭЭХ ДОЙДУТТАН – ТААСТААХ ДЬААҤЫТТАН...
Дьааҥы туһунан бэрт элбэҕи суруйуохха сөп. Күҥҥэ тардыспыт очуос таас хайаларын, олоҥхотун-тойугун, чыыбааҕытын этин, үтүө-сайдам дьонун-сэргэтин... Кулун тутар 25-31 күннэригэр Дьокуускайга “Дьааҥы күннэрэ” ыытылла тураллар. Ол чэрчитинэн “Кыымҥа” улуус баһылыга Гаврил ЧИРИКОВ ыалдьыттаата. Суруналыыс Диана Клепандина Гаврил Ильиһы кытта улуус олоҕун-дьаһаҕын, кыһалҕатын, былааннарын туьунан кэпсэтиитин ааҕыҥ.
САХАЛЫЫ ЭМТИИР КИИН АҺЫЛЫННА!
Үрдүк категориялаах хирург-быраас, норуот мэдиссиинэтин профессора, уҥуох тутааччы, отоһут Григорий ПОПОВ өбүгэлэрбит төрүт былыргыттан туттар, сүөһү муоһунан хаанныыр ньымаларын баһылаабыт саха эмчитэ. Кини сүрэх-тымыр, хаан баттааһыннаах, сис, сүһүөх ыарыылаах дьону эмтээбитэ ырааппыт.
Онон саха киһитин этигэр-хааныгар, өйүгэр-санаатыгар, кутугар-сүрүгэр чугас Сахалыы эмтиир кииҥҥэ көрдөрүнүҥ, эмтэниҥ, чөл туруктаах буолуҥ. Уонна бу киинтэн репортаһы сэҥээрэ ааҕыҥ.
ГУРИЙ ТУРАНТАЕВ КЭННЭ САХА СИРИГЭР КИМ УҤУОХ ТУТАРЫЙ?
Уус Алдан Кэптэнитигэр Николай ОЛЕСОВ быыстала суох оһолго улахан эчэйиини ылбыт, систэрин тоноҕоһо ыалдьыбыт, тымныы дойдуга олорор дьон сүһүөхтэрин уо.д.а. уҥуох тостуутун, сыыһа оспутун тутар эбит. Кини туһунан сиһилии бу нүөмэргэ Туйаара Сиккиэр кэпсэтиититтэн билиҥ.
ВИТИМ САХАЛЫЫ ААҔАР СОҔОТОХ САХАТА КИМИЙ?
Витим - Иркутскай уобалаһы кытта силбэһэ сытар, Саха сирин соҕуруу Ленскэй улууһун кырыы нэһилиэгэ. Онно ''Кыым'' хаһыаты биир эрэ киһи сурутар. Уопуттаах учуутал Людмила ЛЕОНТЬЕВА киин сиртэн Витимҥэ тиийэн үлэлээбитэ аҕыйах сыл буолбут. Нууччалыы саҥарар нэһилиэнньэ ортотугар саха култууратын тарҕатар хорсун учуутал тапталлаах хаһыатыгар дьоруой быһыытынан таҕыста. Ленскэй кэрэ сирин-уотун, дьонун-сэргэтин, сыанатын о.д.а. өрүтүн туһунан матырыйаалы көтүппэккэ ааҕыҥ.
ТАКСИСТ ҮЛЭТИГЭР ЭН САНААҤ ХАЙДАҔЫЙ?
"Массыынабын айанньыт хараҕынан көрөбүн", - диир Дьокуускай куорат уулуссаларын 15 сыл устата сыыйылыннара сүүрдэр Семен ПАВЛОВ.
"Таксист үлэтэ уустук. Араас бытархай түгэн баар буолар - ким эрэ төлөпүөнэ, суумката хаалбыт, итирик туруктаах киһи охсуллубут аатырыан сөп. Маннык түгэҥҥэ регистратор баара быыһыыр".
Суруналыыс Саргылаана Багынанова бу матырыйаалы бэлэмнээри куорат таксистарын кытта кэпсэтэн, санааларын истэн, билэн баран, кинилэргэ сыһыана 180 кыраадыс төттөрү эргийбит. Хайдах уонна тоҕо?
«КЫЫМ» - ХОРСУН САНАА, АЙАР КҮҮС, УРАН ТЫЛ ХОЛБОҺУГА!
