Быйыл өрөспүүбүлүкэҕэ 122 км суол өрөмүөннэнэрэ былааннанар. Бу туһунан олунньу 19 күнүгэр Ил Дархан Айсен Николаев бэрэссэдээтэллээх национальнай бырайыактары олоххо киллэрии туһунан мунньахха этиллибитэ.
“2019 сылга эрэгийиэннээҕи суол 122,4 км-даах 25 эбийиэгэр өрөмүөн үлэтэ ыытыллара былааннанар”, – диэн Бырабыыталыстыба пресс-сулууспатын иһитиннэриитигэр этиллэр.
Дьокуускайга 25,8 км суол оҥоһуллар. Бу 19 уулусса уонна үс күргэ. Ону таһынан, 8,3 км уулуссаны сырдатыы, 12 светофору туруоруу уонна өрөспүүбүлүкэ иһинэн 963 суол бэлиэлэрин туруоруу былааҥҥа киирэр диэн иһитиннэриигэ ыйыллар.
