Арассыыйатааҕы үрдүк үөрэхтэр ыраахтан үөрэнии көрүҥэр ыам ыйын 4 – 7 диэри көһүөхтэрин сөп, диэн сурулунна Үөрэҕирии уонна Билим министиэристибэтин бирикээһигэр. Бу иннинэ министиэристибэ устудьуоннарын эбии сынньалаҥҥа вам ыйын 1 – 10 диэри ыытар былааннааҕа.
«Үөрэх тэрилтэлэрин салайааччылара үөрэтэр бырагырааммаларын олоххо киллэриини уонна кэрдиис кэмнэринэн ыытыллар аттестациыларын ыраахтан үөрэтии көрүҥүн технологияларын толору туһанан үлэлиэхтэрин сөп», - диэн иһитиннэриллэр бирикээскэ.
Бирикээскэ сөп түбэһиннэрэн, үрдүк үөрэхтэр салалталара муус устар 30 күнүгэр диэри куттала суох уонна тиһигин быспакка үөрэх тэрилтэлэрин үлэлэрин хааччыйар үлэһиттэрин ахсааннарын чопчулуохтаахтар уонна эрдэттэн бу үлэһиттэрин кинилэр үлэлиир эрэсиимнэрэ уларыйарын туһунан биллэриэхтээхтэр.
Быйыл, бэрэсидьиэн уурааҕынан арассыыйа олохтоохторо ыам ыйын 1 - 10 чыыһылатыгар диэри өрүүллэр. Өрөбүл күннэр уһаан биэриилэрэ, хамсык тарҕаныытын намыратар сыалтан уонна гражданнар доруобуйаларын харыстыыр санааттан олохтоннулар. Кириэмилгэ иһитиннэрбиттэринэн, эбии өрөбүллэр нуормата суох үлэлиир графиктаах уонна тохтоло суох үлэлиир тэтимнээх тэрилтэлэргэ булгуччулаах буолбатахтар.
