Киир

Киир

Аллараа Халыма улууһун олохтоох дьаһалталарын биирдэстэриттэн үлэлиир дьокутаат, Сибиирдээҕи салалта үнүстүтүүтүн бүтэрбитин туһунан сымыйа диплом атыыласпыта билиннэ (РАНХи ГС филиала). Борокоротуура бэрэбиэркэлээһинэ эр киһи бу үрдүк үөрэх кыһатыгар биир да күн үөрэммэтэҕин быһаарда.

Бу дьыал ыам ыйыгар өрөспүүбүлүкэтээҕи борокоротуурата дьокутаат туһугар буруйдуур түмүктээһини бигэргэппитин туһунан иһитиннэрбитэ. Кини буруйданна – сымыйа докумуону оҥостууга уонна туттууга ( АФ ХК 327 ыстатыйата, 3 чааһа).

Биэдэмистибэҕэ биллэрбиттэринэн, буруйданааччы үрдүк үөрэҕи бүтэрбитин туһунан докумуону 2014 сыллаахха атыыласпыт. «Сокуону утары дьайыытын буруйданааччы толору билиннэ, кини быһаарыытыгар суруйбутунан, диплому Новосибиркайга айанныы сылдьан саайтка сымыйа диплом оҥоруу өҥөтө баарын туһунан биллэриигэ эрийэн, оҥоһуу диплом атыыласпыт», - диэн иһитиннэрдилэр биэдэмистибэҕэ.

2019 сыллаахха, олохтоох дьаһалтаҕа сүрүннүүр исписийэлиис дуоһунаһыгар үлэҕэ киирэригэр буруйданааччы бу атыылаһыллыбыт диплому тиксэрбит. Биэдэмистибэҕэ биллэрбиттэринэн, кини бу дуоһунаһы 2019 сыл алтынньытыттан, 2020 сыл олунньутугар диэри баһылаан олорбут.

Баһылаан олорбут дуоһунаһыттан эр киһини бэйэтин баҕа санаатынан уураппыттар. Кэнэҕэскитин кинини олохтоох дьаһалталартан биирдэстэриттэн дьокутаатынан талбыттар.

Тарҕат:

Санааҕын суруй