Киир

Киир

Арассыыйа бэрэсидьиэнэ Владимир Путин саа атыылаһарга лицензия ылыытыгар туох биричиинэнэлэринэн аккаас кэлиэн сөптөөх эбии төрүөттэргэ уонна саа атыылаһар саас үрдээбитин туһунан сокуҥҥа илии баттаата.

Докумуон, быраап туһунан иһитиннэрэр официальнай интернет-порталга бэнидиэнньик күн таҕыста.

Саа ылар саас

Саҥа сокуонунан, доруоп сааны атыылаһар быраап Арассыыйа гражданнарыгар 21 саастарыттан баар буолар. (Урут 18 саастарыттан этэ).

Бу балаһыанньа, саа атыылаһыан баҕарар аармыйаҕа сулууспалыы сылдьар эбэтэр сулууспалаабыт дьоҥҥо, судаарыстыбыннай байыаннай тэрилтэ үлэһиттэригэр уонна сыбаанньыйалаахтарга итиэннэ юстиция кылааһынан чыыннарыгар тарҕаммат.

Сокуон чопчулуур, төрүт үгэстэринэн дьарыктанан олорор аҕыйах ахсааннаах олохтоох омуктар ахсааннарыгар киирсэр Арассыыйа гражданнара, итиэннэ идэлэрин быһыытынан булдунан-алдынан дьарыктанан олорор үлэһиттэргэ, устааптарыгар ураты сыаллаах-соруктаах юридическай тэрилтэлэр үлэһиттэрэ доруоп сааны 18 саастарын туолуутугар ылар бырааптаахтар.

Ону таһынан, гражданин 18 сааһын туолуута, сокуон киниэхэ успуордунан эрэ дьарыктанарыга саа атыылыһарыгар быраап биэрэр, доруобунан ытар булт саатыгар уонна уһун уостаах буулдьанан ытар булт саатыгар.

Лицензия ылыытыгар аккаас

Маны таһынан саҥа сокуон, Арассыыйа гражданнарыгар саа атыылаһарга лицензия ылыытыгар хааччахтааһын көрүҥнэрин кэҥэтэр.

Чуолаан, маннык лицензия бэриллэрэ көҥүлэммэт: ыарахан буруйу оҥоруу иһин суутунан буруйдара боруостана илик эбэтэр боруостаммыт гражданнарга, орто таһымнаах соруйан буруйу оҥоруу иһин сууттаммыттарга, сааны-саадаҕы, эстэр эттиктэри, наркотическай, психотропнай, киһиэхэ күүскэ дьайар, дьааттаах, радиоактивнай эттиктэри туһанан сууттаммыттарга.

Итиэннэ, саа-саадах атыытынан сокуоннайа суох дьарыктанан сууттаммыт, буруйдара боруостана илик эбэтэр боруостаммыт дьоҥҥо саа атыылаһарга лицензия биэрэр көҥүлэммэт.

Терроризмынан дьарыктанан сууттанан, буруйдара боруостаммыт эбэтэр боруостана илик гражданнар саа атыылаһарга лицензия ылар бырааптара суох. Терроризмы өйөөн, бырапагаандалаан буруйу оҥорон сууттаммыт дьоҥҥо саа ылаллара эмиэ бобуллар.

Сокуоннай сааһын ситэ илик оҕо туһугар буруйу оҥорууга сууттаммыт дьон саа атыылаһарга лицензия ылар бырааптара суох.

Саа атыылаһарга лицензия ылаллара бобулунна: наркотическай эбэтэр психотропнай эттиктэри боруобалаан административнай эппиэтинэскэ түбэспит дьоҥҥо, итирик туруктаах тырааныспар ыыта сылдьан эбэтэр атын итирик туруктаах киһиэхэ уруулу биэрэн сууттана сылдьыбыт дьоҥҥо, - буруйун боруостаабыта сыла ааспытын кэнниттэн, сыл иһигэр бу киһи административнай буруйдааһыҥҥа анаммытынан ааҕыллар.

Тарҕат:

Санааҕын суруй

Бүтэһик сонуннар