Киир

Киир

Субу соторутааҕыта АХШ салалтата Арассыыйа Хотугу Дьобуруопаҕа тардыбыт “Северный поток-2” гааһын турбатын утары сааҥсыйа биллэрэрин эппитэ.

Манна хоруйдаан, Арассыыйа Вашингтоннааҕы посола Анатолий Антонов: “Арассыыйа ньиэби-гааһы Дьобуруопаҕа экспордыырын утарыыны ырыынак көҥүлүн хааччахтыыр чиэһинэйэ суох конкуренция курдук көрүөххэ сөп. Бу манна ханнык да энергетическэй бэлиитикэ, гааһынан-ньиэбинэн сантаастааһын туһунан кэпсэтии барбат. Ити курдук тыллаһан, АХШ салалтата бэйэтин Дьобуруопатааҕы доҕотторун ытыктаабатын көрдөрөр. Кинилэр Арассыыйаны кытта өр кэмнээх бииргэ үлэлэһиини, эйэлээх сыһыаны тутуһуохтарын баҕараллар. Энергетика өттүгэр Арассыыйа кимиэхэ баҕарар эрэллээх партнер буоларын олох бэйэтэ көрдөрөр”, – диир.

Ити иннинэ АХШ госсэкирэтээрэ Энтони Блинкен “Северный поток-2” тиһик тутуутугар үлэлэспит “буруйдарыгар” Дьобуруопа хас да хампаанньатын, хараабылын утары сааҥсыйаны биллэриэх буолан суоһурҕаммыта.

Тарҕат:

Санааҕын суруй