М.П. Максимов аатынан “Мы – дети Севера” оскуола оҕолоругар ыытыллыбыт муус, хаар оҥоһуктар норуоттар икки ардыларынааҕы таһымнаах күрэҕин үөрүүлээх быһыыга-майгыга түмүктээтилэр. Бу тэрээһин Дьокуускайга “Смарт-бибилэтиэкэҕэ” буолла.
Эдэр кыттааччылар настаабынньыктарын салайыыларынан оҥорбут үлэлэрэ “Северное сияние” муус паарканы киэргэтэллэр.
Дьокуускай баһылыгын бастакы солбуйааччы Владимир Дорожкин кыттааччылары ситиһиилэринэн эҕэрдэлээтэ. Үлэлэрин үрдүктүк сыаналаата, саҥа ситиһиилэри баҕарда.
Оҕолору Михаил Павлович Максимов кэргэнэ Татьяна Максимова, Дьокуускай дьаһалтатын култуураҕа уонна духуобунай сайдыыга управлениетын начаалынньыгын солбуйааччы Антонина Захарова уонна Дьокуускай куорат Дууматын дьокутаата Наталья Луковцева эҕэрдэлээтилэр.
М.П. Максимов дьиэ кэргэнин аатыттан анал бирииһи Кытай Норуодунай Өрөспүүбүлүкэтин Харбин куоратын 2-с №-дээх орто оскуолатын хамаандатыгар (Чжэн Цзясэнь, Жэнь Цзяи уонна сал. Чжэн Цзиньнань) туттардылар.
15 тыһ. суумалаах сэртипикээти Таатта улууһун хамаандата (Валерий Пахомов, Павел Алексеев, сал. Алквиад Атастыров) ылла.
“Мы – дети Севера” муус, хаар оҥоһуктар күрэхтэрин кыайыылаахтарынан буоллулар:
1-кы миэстэ хаар оҥоһуктарга – Харбин куоратын 2-с №-дээх орто оскуолатын хамаандата “Шепот в лесу” дьүһүйүүтүнэн (Чжэн Цзясэнь, Жэнь Цзяи, сал. Чжэн Цзиньнань).
1-кы миэстэ муус оҥоһуктарга – Дьокуускай хамаандата “Оҕо саас” дьүһүйүүтүнэн (Родион Шараборин, Максим Петров, сал. Василий Тистяхов).
2-с миэстэ хаар оҥоһуктарга – Мэҥэ Хаҥалас хамаандата “Удаҕан үҥкүүтэ” дьүһүйүүтүнэн (Айтал Скрябин, Марк Александров, сал. Архип Скрябин).
2-с миэстэ муус оҥоһуктарга – Л.А. Ким аатынан оҕо художественнай оскуолатын хамаандата “Доҕордоһуу үҥкүүтэ” дьүһүйүүтүнэн (Богдан Григорьев, Артемий Степанов, сал. Герасим Максимов).
3-с миэстэ хаар оҥоһуктарга – П.П. Романов аатынан Дьокуускайдааҕы художественнай училище “Аартыкаҕа балыктааһын” дьүһүйүүтүнэн (Любовь Саввина, Рада Алиева, сал. Максим Капитонов).
3-с миэстэ муус оҥоһуктарга – Хабаровскай куораттан “Радуга талантов” оҕо айымньытын киинин хамаандата “Араас тылынан” дьүһүйүүтүнэн (Даниил Абдулин, Леонид Оденчук, сал. Наталия Нечаева).
Муус оҥоһуктарга анал аат хаһаайыннара:
“Кыайыыга дьулуурун иһин” – Л.А. Ким аатынан оҕо художественнай оскуолатын хамаандата (Уолан Румянцев, Эрэл Васильев, сал. Анна Саввина).
“Тиэмэни арыйбытын иһин” – Таатта хамаандата (Валерий Пахомов, Павел Алексеев, сал. Алквиад Атастыров).
“Ураты дьүһүйүү” – Хаҥалас хамаандата (Айаал Лазарев, Алик Саввинов, сал. Николай Тырылгин).
“Муус фантазия” – Дьокуускай хамаандата (София Колотухина, Александр Присяжнай, сал. Василий Камшилин).
“Кыһыыга маастарыстыбатын иһин” – Л.А. Ким аатынан оҕо художественнай оскуолатын хамаандата (Виталина Николаева, Елизавета Васильева, сал. Дмитрий Максимов).
Хаар оҥоһуктарга анал аат хаһаайыннара:
“Айар көтүү” Дьокуускай хамаандата (Алексей, Тимофей Капитоновтар, сал. Алексей Капитонов).
“Муҥура биллибэт” – Таатта хамаандата (Эрчим Габышев, Артем Христофоров, сал. Афанасий Варфоломеев).
“Ураты толкуй” – Новосибирскай куорат Калининскай оройуонун Ыччат киинин хамаандата (Таисия, Игнатий Локцик, сал. Марина Локцик).
“Хаар алып” – Красноярскай куорат В.И. Суриков аатынан 1-кы №-дээх оҕо художественнай оскуолата (Виталина Князева, Екатерина Исаева, сал. Руслан Князев).
Норуоттар икки ардылары-нааҕы таһымнаах күрэх ыытылларыгар көмө буолбут успуонсардарга, партнёрдарга махтал суруктары туттардылар: “Ил Түмэн” бэчээт кыһатын ген. дириэктэрэ Мария Христофороваҕа, “Северное сияние” муус паарка дириэктэрэ Алексей Демьяновка, “ЯТЭК” ПАО ген. дириэктэрэ Андрей Коробовка, “Саха сирин тимир суоллара” АУо ген. дириэктэрэ Василий Шимохиҥҥа, “Водоканал” АУо ген. дириэктэрэ Анатолий Кырдьагасовка, “Хоту Ас” ХЭУо ген. дириэктэрэ Евгения Кучмиҥҥа, Ю.А. Гагарин аатынан култуура уонна аныгы ускуустуба киинин дириэктэрэ Евдокия Винокуроваҕа.
