Саха телевидениетын 55 сыллаах үбүлүөйүн көрсө Дьокуускайга баар телебашня уота дьэрэкээн уотунан күлүмүрдүөҕэ.
Башня уотун үөрүүлээх быһыыга-майгыга холбооһун кулун тутар 15 күнүгэр 21 ч. 15 мүн. буолуоҕа. Ирбэт тоҥҥо саамай уһун башняны 1982 сыллаахха туппуттара, уһуна – 225,875 м. Куорат саамай уһун тутуута 134 прожекторынан уонна LED диод лаампаларынан күлүмнүөҕэ, уот өҥө араастаан хамсаан уларыйа турар. Уотунан симэммит башня Дьокуускай биир кэрэ көстүүтүнэн буолуоҕа.
