Балаҕан ыйын 26 күнүгэр Дьокуускай куорат 203-с түөлбэтигэр саҥа оскуола акылаатын түһэрии сиэрэ-туома ыытылынна.
Саҥа оскуола үс этээстээх, 360 миэстэлээх, 4000 тахса кв м иэннээх буолар. Спортивнай, актовай сааллаах, технология, нуучча уонна аҕыйах ахсааннаах норуоттар култуураларын үөрэтэр кэбиниэттэрдээх, ону таһынан, психолог, стоматолог, мэдиссиинэ хосторо баар буолуохтара. 100 миэстэлээх аһыыр сирдээх, оскуола таһыгар баскетболлуур уонна волейболлуур былаһааккалаах.
Якутск.рф хаартыската
