Өрөспүүбүлүкэтээҕи суһал Ыстаап иһитиннэриилэригэр сигэннэххэ уонна чопчу түмүктэри оҥордоххо, Мииринэйгэ балаһыанньа аматыйбыта дьэҥкэтик көстөр.
Хоруона хамсыгын тарҕаныытыгар биир төрүөтүнэн Иркутскай уобалаһы Саха сирин кытары сибээстиир “Таас-Үрэх - Верхнемарково ” суолунан дьон ааллаан кэлиитэ буолара саарбахтаммат. Суол сабылларга барда.
Кэлии-барыы тохтуур. Ону кытары хамсык көрдөрүүтэ түһэр. Муус устар ый бастакы икки нэдиэлэтин устата Мииринэй оройуонугар 247 киһи хоруона хамсыгар далбыттарда.
Бу ааспыт икки ыйдарга холоотоххо, быдан аҕыйах. Даҕатан эттэххэ, кулун тутар ый бастакы уон күнүгэр 500-тэн тахса киһи хоруоналаах дьаҥҥа хаптарбыта. Итинэн сэдиптээтэххэ, балаһыанньа көнүөх курдук этэ. Аны туран, Кытайга “стелс-омикрон” диэн киһи иһин-үөһүн энчирэтэр хоруона хамсыгын биир дьаарай көрүҥэ сириэдийбитэ дьиксиннэрэр. Хайдаҕын да иһин, биһиги оройуоммут Кытайы кытары ыкса сибээстээх, эргиэннээх, баһаам атыылаах-тутуулаах Иркутскай уобалаһын кытары ыаллыы сытар.
Станислав Алексеев. Мииринэй куората. Ааптар хаартыската.
