Мэҥэ Хаҥалас улууһун Суола Мооругар муус устар 13 күнүгэр чааһынай дьиэ кытарарга былдьанна. Хомойуох иһин, икки киһи тыына быстыбыт. Бу туһунан Силиэстийэлиир кэмитиэт Саха сиринээҕи салаатын пресс-сулууспата иһитиннэрэр.
Дьиэ умайа турарын туһунан иһитиннэрии 16.05 ч. киирбит. Баһаар буолбут сириттэн 1956 сыллаах төрүөх эр киһи уонна 1963 сыллаах төрүөх дьахтар өлүктэрэ көстүбүттэр. Уопсайа 60 кв.м. иэннээх дьиэ умайбыт. Баһаар уот боруобатын харсыһыытыттан тахсыбыт буолуон сөп диэн сабаҕалыыллар. Билигин буруйдааҕы быһаараллар уонна хоромньуну ааҕаллар. Баһаары умулларыыга 6 баһаарынай уонна биир тиэхиникэ уонна 6 олохтоох киһи кыттыбыттар.
